Viral Post: રાશન, શાકભાજી અને રોજબરોજની વસ્તુઓ માટે ઘણી એપ્સ ઉપલબ્ધ છે. ઘણા લોકો Blinkit એપનો ઉપયોગ કરે છે. જો કે હવે આ એપ પર છેતરપિંડીનો (Fraud) દાવો કરવામાં આવી રહ્યો છે. બેંગલુરુના એક વ્યક્તિએ સોશિયલ મીડિયા પર એક પોસ્ટ શેર કરી છે, જે ઝડપથી વાયરલ થઈ રહી છે. આ પોસ્ટમાં વ્યક્તિએ દાવો કર્યો છે કે બ્લિંકિટે તેની સાથે છેતરપિંડી કરી છે. ઑર્ડર કરતી વખતે બ્લિંકિટે 1 લિટર મફત તેલ આપવાનું વચન આપ્યું હતું, પરંતુ જ્યારે ઓર્ડર આવ્યો ત્યારે તેમાં 1 લિટર મફત તેલ નહોતું.
Adventures Parsniv3 નામના યુઝરે Reddit પ્લેટફોર્મ પર એક પોસ્ટ શેર કરી છે. આ પોસ્ટમાં વ્યક્તિએ લખ્યું છે કે મેં બ્લિંકિટ પર 5L+1L તેલનો ઓર્ડર આપ્યો હતો. બ્લિંકિટ એપ પર આ ઓફર 1072 રૂપિયાની હતી. પરંતુ ડિલિવરી એજન્ટે માત્ર 5 લિટર તેલ આપ્યું હતું.
Blinkit કૂપન આપી
આ વ્યક્તિએ વધુમાં કહ્યું કે જ્યારે તેને ઓર્ડરમાં 1 લીટર તેલ ન મળ્યું ત્યારે તેણે બ્લિંકિટ પર ફરિયાદ નોંધાવી. આવી સ્થિતિમાં બ્લિંકિટે તેમને 100 રૂપિયાની કૂપન આપી અને કહ્યું કે આનાથી વધુ વળતર તેમની નીતિની વિરુદ્ધ છે. બ્લિન્કિટ દ્વારા આપવામાં આવેલી રકમ તેલની વાસ્તવિક કિંમત કરતાં ઘણી ઓછી હતી.
Blinkit છેતરપિંડી
Reddit યુઝર કહે છે કે ઓફર મુજબ 1072માં 6 લીટર તેલ મળવાનું હતું, પરંતુ માત્ર 5 લીટર જ મળ્યુ. આવી સ્થિતિમાં 1 લીટર તેલની કિંમત 178 રૂપિયા છે. પરંતુ બ્લિંકિટે આટલા પૈસા પણ પરત ન કર્યા અને માત્ર 100 રૂપિયા આપીને ભાગી ગયો.
વ્યક્તિ કહે છે કે આ એકતરફી છેતરપિંડી છે, જે બ્લિંકિટ તેના મોટાભાગના ગ્રાહકો સાથે કરે છે. ઘણા લોકો આ પ્રકારની છેતરપિંડીની અવગણના કરે છે. મારા જેવા ઘણા લોકો 100 રૂપિયાથી સંતુષ્ટ થશે અને 78 રૂપિયા ભૂલી જશે. આ પોસ્ટ વાયરલ થયા બાદ બ્લિંકિટે વ્યક્તિને 180 રૂપિયા રિફંડ આપ્યા હતા.
આ પણ વાંચો:ડેટિંગ એપ લવ, સેક્સ, fraud અને દગો, ગાઝિયાબાદની મહિલા થઈ એપની શિકાર
આ પણ વાંચો:શેરબજારમાં રોકાણ કરાવી 56 લાખની છેતરપિંડી, CA સહિત અનેક લોકોના પૈસા ગયા
આ પણ વાંચો:સોનું પછી હવે ચાંદીમાં પણ મળશે શુદ્ધતાનું સર્ટિફિકેટ
