Botad News: બોટાદ જિલ્લામાં ગઢડાને શહેર સાથે જોડતો મુખ્ય માર્ગ વર્ષોથી ખાડા (Botad Potholes)ઓની સમસ્યાથી પીડાઈ રહ્યો છે. ખાસ કરીને જીનનાકા વિસ્તારમાંથી પસાર થતા માર્ગ પર મોટા અને ઊંડા ખાડાઓ પડતાં રોજિંદા વાહનવ્યવહાર પર ગંભીર અસર પડી રહી છે.
Botad Potholes: જીનનાકા માર્ગ પર ખાડાઓથી મુસાફરોની મુશ્કેલી વધી
સ્થાનિકો અને વાહનચાલકોના જણાવ્યા અનુસાર આ માર્ગ પરથી દરરોજ મોટી સંખ્યામાં બે-ચક્રી, ચાર-ચક્રી તેમજ ભારે વાહનો પસાર થાય છે. પરંતુ રસ્તાની બિસ્માર હાલતને કારણે મુસાફરી મુશ્કેલ બની ગઈ છે. વરસાદી મોસમ દરમિયાન ખાડા (Botad Potholes)ઓમાં પાણી ભરાઈ જતાં વાહનચાલકો માટે ખાડા (Botad Potholes) ઓળખવા પણ મુશ્કેલ બની જાય છે, જેના કારણે અકસ્માતની આશંકા વધુ વધી જાય છે.
સ્થાનિક લોકોનો આક્ષેપ છે કે માર્ગના સમારકામ માટે અનેક વખત સંબંધિત વિભાગ સમક્ષ રજૂઆતો કરવામાં આવી છે. છતાં અત્યાર સુધી માત્ર કામચલાઉ સમારકામ કરવામાં આવ્યું છે, જેના કારણે થોડા જ સમયમાં ફરીથી ખાડા (Botad Potholes)ઓ દેખાવા લાગે છે.
લોકોનું કહેવું છે કે માત્ર પેચવર્કથી સમસ્યાનો ઉકેલ આવશે નહીં. માર્ગનું સંપૂર્ણ પુનઃનિર્માણ અથવા ગુણવત્તાયુક્ત કાયમી સમારકામ કરવામાં આવે તો જ વર્ષોથી ચાલી રહેલી સમસ્યાનો અંત આવી શકે.
સ્થાનિકોએ તંત્રને વહેલી તકે માર્ગનું સર્વેક્ષણ કરીને કાયમી સમારકામ શરૂ કરવાની માંગ કરી છે. તેમનું માનવું છે કે સમયસર યોગ્ય કાર્યવાહી કરવામાં નહીં આવે તો અકસ્માતનું જોખમ યથાવત રહેશે અને લોકોને વધુ મુશ્કેલીનો સામનો કરવો પડશે.
આ પણ વાંચો:અમદાવાદના વસ્ત્રાલમાં નવી કાર ભરેલું કન્ટેનર પસાર થતાં રોડ ધસી ગયો, વાહન ખાડામાં ફસાતાં ટ્રાફિક ઠપ
આ પણ વાંચો:સામાન્ય વરસાદમાં AMCના દાવા ધોવાયા! ખાડા પૂરવાની ડેડલાઇન ફેલ, હવે તંત્રએ આપી નવી તારીખ
