હવે BWF વર્લ્ડ ચેમ્પિયનશિપમાં લક્ષ્ય સેન પાસે મેડલની આશા છે. કારણ કે પીવી સિંધુ ઈજાના કારણે ટુર્નામેન્ટમાંથી બહાર છે. લક્ષ્ય સેન ઉપરાંત એચએચ પ્રણોય પાસેથી પણ મેડલની આશા રહેશે. પીવી સિંધુ કોમનવેલ્થ ગેમ્સ દરમિયાન ઈજાગ્રસ્ત થઈ હતી, જેના કારણે તેણે આ ટૂર્નામેન્ટમાંથી ખસી જવું પડ્યું હતું. પીવી સિંધુએ વર્લ્ડ ચેમ્પિયનશિપમાં 5 મેડલ જીત્યા છે, જેમાં તેણે 2019માં જીતેલા ગોલ્ડ મેડલનો પણ સમાવેશ થાય છે.
આ ખેલાડીઓ પાસેથી મેડલની અપેક્ષા છે
લક્ષ્ય સેન, એચએચ પ્રણોય ઉપરાંત શ્રીકાંત પણ વર્લ્ડ ચેમ્પિયનશિપમાં ભારત માટે ભાગ લઈ રહ્યો છે અને ત્રણેય ખેલાડીઓ અત્યારે શાનદાર ફોર્મમાં છે. જો શ્રીકાંત પ્રારંભિક મેચ જીતી જાય છે તો ક્વાર્ટર ફાઇનલમાં તેનો સામનો વિશ્વના પાંચમા નંબરના જિયા જિયા સામે થઈ શકે છે. ભારતીય ચેલેન્જર્સમાં ડબલ્સમાં તમામની નજર ચિરાગ સેઠી અને સાત્વિક સાઈરાજ રેન્કીરેડ્ડી પર પણ રહેશે. આ ભારતીય જોડીએ કોમનવેલ્થમાં ગોલ્ડ મેડલ જીત્યો છે અને વર્લ્ડ ચેમ્પિયનશિપમાં પણ તેમની પાસેથી મેડલની આશા રહેશે.
સાયના નેહવાલ વાપસી કરશે
વર્લ્ડ નંબર 33 સાયના નેહવાલ આ વખતે ટોક્યોમાં બિનક્રમાંકિત ઈવેન્ટમાં ફરીથી ફોર્મ મેળવવાનો પ્રયાસ કરશે. ભૂતકાળમાં વિશ્વની નંબર 1 ખેલાડી રહી ચૂકેલી સાઇના નેહવાલ આ વખતે સિંધુની ગેરહાજરીમાં વધુ સારું પ્રદર્શન કરશે. પ્રથમ રાઉન્ડમાં તેનો સામનો ચેંગ એનગાન યી સામે થશે જેની સામે તેનો રેકોર્ડ 3-1 છે. 32 વર્ષની સાઈના નેહવાને વર્લ્ડ ચેમ્પિયનશિપમાં બે મેડલ જીત્યા છે. જેમાં 2017માં સિલ્વર મેડલ અને 2017માં બ્રોન્ઝ મેડલનો સમાવેશ થાય છે. વર્લ્ડ ચેમ્પિયનશિપમાં એકમાત્ર ગોલ્ડ મેડલ જીતવાનો શ્રેય પીવી સિંધુના નામે છે. ભારત વિશ્વ ચેમ્પિયનશિપમાં કુલ 26 ખેલાડીઓ સાથે ત્રીજા સ્થાને છે. જાપાન 32 ખેલાડીઓ સાથે નંબર વન અને મલેશિયા 27 ખેલાડીઓ સાથે બીજા નંબરે છે.
ખેડા/ ઈસુ ભગવાન પર શ્રદ્ધા રાખો, તમારી મનોકામના પૂર્ણ થશે ; શાળામાં વિદ્યાર્થીઓનું કરાયુ ધર્માંતરણ
