લોકસભા ચૂંટણીને લઈને પંજાબમાં હવે રાજકારણ ગરમાયું છે. રાજકીય પક્ષો વિવિધ રાજ્યોમાં પોતાના ઉમેદવારોના નામની જાહેરાત કરી રહ્યા છે. દરમિયાન, પટિયાલાના સાંસદ અને પૂર્વ સીએમ કેપ્ટન અમરિંદર સિંહની પત્ની પરનીત કૌર આજે ભાજપમાં જોડાયા છે. માનવામાં આવે છે કે ભાજપ તેમને પટિયાલા બેઠક પરથી લોકસભા ચૂંટણીમાં ઉતારી શકે છે.
ભાજપના ઉમેદવાર 30 વર્ષમાં પહેલીવાર અહીંથી ચૂંટણી લડશે
પરનીત કૌર પંજાબની પટિયાલા સીટથી ચાર વખત કોંગ્રેસના સાંસદ રહી ચૂક્યા છે. ભાજપ તેમને પટિયાલાથી સીટ આપી શકે છે કારણ કે તે છેલ્લા 25 વર્ષથી પટિયાલા લોકસભા સીટ પરથી ચૂંટણી લડી રહ્યા છે. આ સાથે જ 30 વર્ષમાં આ પહેલીવાર બનશે જ્યારે આ સીટ પરથી બીજેપીનો કોઈ ઉમેદવાર ચૂંટણી લડશે.
કોંગ્રેસે કર્યા હતા સસ્પેન્ડ
નોંધનીય છે કે કોંગ્રેસે 3 ફેબ્રુઆરી, 2023ના રોજ પાર્ટી વિરોધી ગતિવિધિઓના આરોપમાં પરનીતને સસ્પેન્ડ કરી દીધા હતા. જો કે, પરનીત કૌરે પાર્ટીમાંથી રાજીનામું આપ્યું ન હતું કારણ કે તે લોકસભાનું સભ્યપદ ગુમાવવા માંગતા ન હતા. પરનીત પર આક્ષેપો થયા હતા કે તે સતત ભાજપના કાર્યક્રમોમાં હાજરી આપતા હતા. એટલું જ નહીં તેમણે રાહુલ ગાંધીની ભારત જોડો યાત્રામાં પણ ભાગ લીધો ન હતો.
આ પણ વાંચો:લોકસભા ચૂંટણી માટે બીજેપીની બીજી યાદી જાહેર, જાણો ગુજરાતમાં કોને મળી તક
આ પણ વાંચો:અક્ષરધામ મંદિર હુમલાના માસ્ટરમાઇન્ડનો 22 વર્ષ બાદ સામે આવ્યો વીડિયો
આ પણ વાંચો:2019 થી અત્યાર સુધી ખરીદ્યા 22,217 ઈલેક્ટોરલ બોન્ડ, 22,030 રોકડ: SCમાં SBIનું એફિડેવિટ