આદિત્ય ઠાકરેનું નિવેદન: મહારાષ્ટ્રમાં ચાલી રહેલા રાજકીય સંકટ વચ્ચે શિંદે જૂથની બે અરજીઓ પર સુનાવણી કરતી વખતે સુપ્રીમ કોર્ટે પોતાનો નિર્ણય સંભળાવ્યો છે. સુપ્રીમ કોર્ટના નિર્ણય બાદ આદિત્ય ઠાકરેએ ફરી એકવાર શિવસેનાના બળવાખોર ધારાસભ્યો પર નિશાન સાધ્યું છે. ઉદ્ધવ ઠાકરેના પુત્ર અને મહારાષ્ટ્રના મંત્રી આદિત્ય ઠાકરેએ સોમવારે શિવસેનાના બળવાખોર નેતાઓને ચેતવણી આપી હતી કે જો તેઓમાં હિંમત હોય તો તેઓ સામસામે આવીને વાત કરે. તેઓએ બહાર આવીને કહેવું જોઈએ કે વર્તમાન સરકારમાં શું ખોટું છે. ઉદ્ધવ ઠાકરેની આગેવાની હેઠળની સરકાર અને પાર્ટી વરિષ્ઠ નેતા એકનાથ શિંદેના જૂથ અને શિવસેનાના 55માંથી 40 ધારાસભ્યોના બળવાનો સામનો કરી રહી છે.
આદિત્ય ઠાકરેએ શિંદે કેમ્પને વિદ્રોહી નહીં પરંતુ અલગતાવાદી ગણાવ્યા છે. બળવાખોર ધારાસભ્યો પર નિશાન સાધતા તેમણે કહ્યું કે જે લોકો દગો કરે છે તેઓ ક્યારેય જીતતા નથી. અમે અમારી જાત પર વિશ્વાસ કરીએ છીએ અને લોકો તરફથી ઘણો પ્રેમ મળી રહ્યો છે. તેમનું આ નિવેદન ત્યારે આવ્યું છે જ્યારે આ રાજકીય ગરબડ સુપ્રીમ કોર્ટમાં પહોંચી છે. આ મામલાની આગામી સુનાવણી 11 જુલાઈએ સુપ્રીમ કોર્ટમાં થશે.
આદિત્ય ઠાકરેએ મુંબઈના વરલી વિધાનસભા ક્ષેત્રમાં પત્રકારોને જણાવ્યું હતું કે જે લોકો અહીંથી ભાગી ગયા છે અને પોતાને બળવાખોર ગણાવી રહ્યા છે, જો તેઓ બળવો કરવા માંગતા હોય તો તેમણે અહીં કરવો જોઈએ. તેમણે રાજીનામું આપીને ચૂંટણી લડવી જોઈતી હતી. તેમણે મહારાષ્ટ્ર છોડીને ગુવાહાટી ન જવું જોઈતું હતું. તેમણે સુપ્રીમ કોર્ટમાં ચાલી રહેલી કાર્યવાહી પર સીધી ટિપ્પણી કરવાનો ઇનકાર કર્યો હતો. ઠાકરેએ કહ્યું કે ફ્લોર ટેસ્ટ ત્યારે થશે જ્યારે તેઓ મારી સામે બેસીને મારી આંખોમાં જોશે અને કહેશે કે અમે શું ખોટું કર્યું છે.
આ પણ વાંચો: Cricket / ઇંગ્લેન્ડના ઈયોન મોર્ગને આપ્યા કેપ્ટનપદ છોડવાના સંકેત,નવા સુકાની પદ માટે આ ખેલાડીઓ દાવેદાર!
આ પણ વાંચો: Cricket / હાર્દિક પંડ્યાએ પહેલી જ T-20 મેચમાં કેપ્ટન તરીકે કર્યો કમાલ,ધોની કે વિરાટ પણ આ કરી શક્યા નથી
આ પણ વાંચો: T-20 SERIES / ભારતે આયર્લેન્ડને સાત વિકેટથી હરાવ્યું,દિપક હુડ્ડાની વિસ્ફોટક બેટિંગ
