વાડીનારમાં આઈઓસી કંપનીના(IOCL )ચીફ જનરલ મેનેજરનું હાર્ટએટેકથી મોત

Devbhumi Dwarka News : આકરી ગરમી વચ્ચે હાર્ટ એટેકના કેસોમાં સતત વધારો થઈ રહ્યો છે. ત્યારે ગઈકાલે દેવભૂમિ દ્વારકાના વાડીનાર ખાતે આવેલ ઈન્ડીયન ઓલ કોર્પોરેશનમાં ચીફ જનરલ મેનેજર પદે ફરજ બજાવતા રાજીવ ખનુજાને રાત્રે – ઉંઘમાં હૃદયરોગનો હુમલો આવી ગયો હતો. જેમાં તેમનું મોત નિપજતાં પરિવાર તેમજ કર્મચારીઓમાં શોકનું મોજું ફેલાઈ ગયું હતું.

મળતી માહિતુ અનુસાર મુળ રાજસ્થાનના વતની રાજીવ ખનુજાની તાજેતરમાં જ ઈન્ડીયનઓઈલ કોર્પોરેશન-વાડીનાર ખાતે ચીફ જનરલ મેનેજર પદે નિમણૂંક કરવામાં આવી હતી. દરમિયાન ગુરૂવારે રાત્રે જમીને સુઈ ગયા હતાં. જો કે બીજા દિવસે સવારે પરિવારજનોએ ઉઠાડતા તેઓ ન ઉઠતાં તેમને તાત્કાલિક જામનગરની જી.જી.જી. હોસ્પિટલ ખાતે ખસેડવામાં આવ્યા હતા. જયાં ફરજ પરના તબીબે તેમને મૃત જાહેર કર્યા હતાં.