એક ચોકલેટ બેકટેરિયા ફેલાવી શકે છે તેવા ચોંકાવનાર સમાચાર સામે આવ્યા છે, આ વર્ષે માર્ચ મહિનામાં યુનાઇટેડ કિંગડમએ આ મામલે વિશ્વ આરોગ્ય સંસ્થા (who)ને તેની તપાસ કરવા જાણાવ્યું છે. બેક્ટેરિયલ ચેપના ઝડપથી ફેલાવા વિશે માહિતી આપી હતી. WHOને તેની તપાસમાં જાણવા મળ્યું છે કે આ બેક્ટેરિયાના કારણે ફૂડ પોઈઝનિંગના આ મામલા બેલ્જિયન ચોકલેટના કારણે ફેલાઈ રહ્યા છે. બેલ્જિયમમાં બનેલી ચોકલેટ 113 દેશોમાં સપ્લાય કરવામાં આવી છે
10 એપ્રિલે તમામ દેશોમાંથી આ ચોકલેટ પરત મંગાવવાનો નિર્ણય લેવામાં આવ્યો હતો. અત્યાર સુધીમાં 11 દેશોમાંથી આ ચોકલેટના કારણે 151 લોકો બીમાર હોવાનું જાણવા મળ્યું છે. યુરોપમાં 151માંથી 150 કેસ નોંધાયા હતા, જ્યારે એક કેસ યુએસએમાં નોંધાયો હતો.whoએ ચેતવણી આપી છે કે જે દેશોમાં આ મામલા પકડાયા છે ત્યાં આ કેસ માત્ર અદ્યતન મોલેક્યુલર ટેક્નોલોજીથી પકડાયા છે. ડબ્લ્યુએચઓ અનુસાર, ઇસ્ટર દરમિયાન ચોકલેટનો પૂરતો પુરવઠો હતો, તેથી આ કેસ વધુ ફેલાઈ શકે છે. સાવચેત રહેવાની જરૂર છે.
આ રોગનું વૈજ્ઞાનિક નામ Salmonella Typhimurium છે. આ બેક્ટેરિયા ફૂડ પોઈઝનિંગ માટે જવાબદાર છે. સાલ્મોનેલા ટાઇફીમુરિયમ બેલ્જિયમમાં ડિસેમ્બર 2021 અને જાન્યુઆરી 2022માં આર્લોનના ફેરેરો કોર્પોરેટ પ્લાન્ટમાં મળી આવ્યું હતું. કિન્ડર પ્રોડક્ટ્સ અહીં બનાવવામાં આવે છે. સફાઈની પદ્ધતિઓ અને આ બેક્ટેરિયાના નકારાત્મક અહેવાલો અપનાવ્યા પછી, કિન્ડરની પ્રોડક્ટ્સ ફેરેરોના પ્લાન્ટમાં બનાવવામાં આવી હતી અને યુરોપ અને અન્ય દેશોમાં સપ્લાય કરવામાં આવી હતી. આ પ્લાન્ટમાં કિન્ડર સરપ્રાઈઝ, કિન્ડર મિની એગ્સ, કિન્ડર સરપ્રાઈઝ મેક્સી 100 ગ્રામ અને કિન્ડર સ્કોકો-બોન્સ જેવી પ્રોડક્ટ્સ બનાવવામાં આવી રહી હતી.
યુનાઇટેડ કિંગડમની હેલ્થ સિક્યુરિટી એજન્સીની તપાસ અનુસાર, આ એન્ટિબાયોટિક્સ આ બેક્ટેરિયા દ્વારા ફેલાતા રોગ પર બિનઅસરકારક સાબિત થઈ રહી છે. પેનિસિલિન્સ, એમિનોગ્લાયકોસાઇડ્સ જેમ કે સ્ટ્રેપ્ટોમાસીન, સ્પેક્ટિનોમાસીન, કેનામાસીન અને જેન્ટામિસિન. આ સિવાય ફેનીકોલ્સ, સલ્ફોનામાઇડ્સ, ટ્રાઇમેથોપ્રિમ, ટેટ્રાસાયક્લાઇન્સ એન્ટિબાયોટિક્સ પણ કામ કરી રહી નથી.
