Weather Update: જાન્યુઆરીના અંત સુધી રાજ્યમાં ઠંડી, ધુમ્મસ અને કમોસમી વરસાદ (Unseasonal Rain) પડી શકે છે. હવામાનશાસ્ત્રી અંબાલાલ પટેલે આગાહી કરી છે કે 20 જાન્યુઆરી સુધી રાજ્યના ઘણા ભાગોમાં ઠંડીની સ્થિતિ યથાવત રહેશે. 22 જાન્યુઆરી પછી હવામાનમાં નોંધપાત્ર ફેરફાર થશે.
જાન્યુઆરી અંત સુધી ઠંડી અને Unseasonal Rain
પશ્ચિમી વિક્ષેપ સક્રિય થતાં, ચક્રવાતી સિસ્ટમ અને નીચા દબાણની અસર ગુજરાત પર પડશે. આનાથી પશ્ચિમ સૌરાષ્ટ્ર, ઉત્તર સૌરાષ્ટ્ર અને કચ્છના કેટલાક વિસ્તારોમાં કમોસમી વરસાદ (Unseasonal Rain) પડી શકે છે. રવિ પાકને પ્રતિકૂળ અસર થવાની સંભાવના છે, તેથી ખેડૂતોએ સાવચેત રહેવાની જરૂર છે.
ગુજરાતના લોકો હવે ભયંકર ઠંડીથી થોડી રાહત અનુભવી રહ્યા છે. હવામાન વિભાગની આગાહી મુજબ, આગામી બે થી ચાર દિવસમાં લઘુત્તમ તાપમાનમાં વધારો થશે, જેનાથી ઠંડી ઓછી થશે. હાલમાં, રાજ્યભરમાં ઉત્તર-દક્ષિણ પવનો ફૂંકાઈ રહ્યા છે. ઉત્તર ગુજરાતમાં તાપમાન સામાન્ય કરતા વધારે રહ્યું છે.
રાજ્યમાં સૌથી ઓછું તાપમાન અમરેલીમાં નોંધાયું હતું, જ્યાં 12 ડિગ્રી સેલ્સિયસ નોંધાયું હતું. નલિયામાં 13.2 ડિગ્રી સેલ્સિયસ અને અમદાવાદમાં 14.8 ડિગ્રી સેલ્સિયસ નોંધાયું હતું. આ સમયે હિમવર્ષાની કોઈ શક્યતા નથી. કેટલાક વિસ્તારોમાં વાદળછાયું રહેવાની શક્યતા છે.
અમદાવાદમાં સતત બીજા દિવસે ઠંડીથી થોડી રાહત મળી છે. જોકે, હવામાન વિભાગે 23 જાન્યુઆરીથી 25 જાન્યુઆરી દરમિયાન ગુજરાતમાં ફરી એક તીવ્ર શીત લહેરની આગાહી કરી છે. ગઈકાલે રાત્રે અમદાવાદમાં સરેરાશ લઘુત્તમ તાપમાન 14.8 ડિગ્રી સેલ્સિયસ નોંધાયું હતું, જે સામાન્ય કરતાં 2.9 ડિગ્રી વધારે છે. હવામાન વિભાગે આગાહી કરી છે કે આગામી ત્રણ દિવસ સુધી અમદાવાદમાં તાપમાન 15 ડિગ્રી સેલ્સિયસની આસપાસ રહેશે.
આ પણ વાંચો:ઉત્તર ભારતમાં કડકડતી ઠંડી, ધુમ્મસ યથાવત યલો એલર્ટ જારી
આ પણ વાંચો:ઉત્તર ભારતમાં ઠંડીનો ચમકારો દિલ્હીમાં ગાઢ ધુમ્મસ, કાશ્મીરમાં હિમવર્ષા
આ પણ વાંચો:ઉત્તર ભારતમાં તીવ્ર ઠંડી અને ધુમ્મસનો કહેર, દિલ્હી એરપોર્ટ પર 6 ફ્લાઇટ્સ રદ
