Dahod News : દાહોદના લીમખેડામાં એક વ્યક્તિની દિકરીઓના જન્મના દાખલા માટે તેની પાસેથી રૂ.1,000 ની લાંચ લેતા લીમખેડા ગ્રામ પંચાયતના કોમ્પ્યુટર ઓપરેટર સોલંકી દિનેશભાઇ માધુભાઇની ACBની ટીમે ધરપકડ કરી હતી.
આ કેસની વિગત મુજબ ફરીયાદીના ભાઇની છોકરીઓના શાળા તરફથી આધારકાર્ડ કઢાવવા ફરજીયાત હોવાથી તેમાં જન્મના દાખલાની જરૂર હતી. આ દીકરીઓના જન્મના દાખલા લેવા ગ્રામ પંચાયત કચેરીમાં જતા નોંધ થઈ ન હોવાનું જણાયું હતું. બાદમાં ફરિયાદીએ મામલતદાર કચેરીમાંથી દાખલો મેળવવાની કાર્યવાહી કરવા લીમખેડા ગ્રામ પંચાયત કચેરીના કોમ્પ્યુટર ઓપરેટર સોલંકી દિનેશ માધાભાઈએ અપ્રાપ્ય ફોર્મ નંબર-૧૦ ભરી આપ્યું હતું. આ કામ માટે આરોપી સોલંકી દિનેશે ફરીયાદી પાસે રૂ.1,200ની લાંચની માંગણી કરી હતી અને રકઝક ના અંતે રૂ.1,000 નકકી કર્યા હતા.
ફરીયાદી લાંચની રકમ આરોપીને આપવા માંગતા ન હોઈ, ACBનો સંપર્ક કરી ફરીયાદ આપી હતી. જેને આધારે ACBની ટીમે લીમખેડાના ચીલાકોટા ગ્રામ પંચાયત કચેરી ખાતે જાળ બિછાવી ફરિયાદી પાસેથી રૂ.1,000ની લાંચ લેતા સોલંકી દિનેશભાઇ માધુભાઇની ધરપકડ કરી હતી.
આ પણ વાંચો:સરકાર ₹2,000 થી વધુના UPI વ્યવહારો પર GST વસૂલવાનું વિચારી રહી નથી
