હાઈવે પરથી મુસાફરી કરતા લોકોને સલાહ આપવામાં આવી છે કે તેઓ 32 અધિકૃત બેંકો પાસેથી FASTag ની ખરીદી કરે Paytm પેમેન્ટ બેંક (PPBL)પાસેથી નહીં. આ એટલા માટે છે કારણ કે ભારતીય રિઝર્વ બેંક (RBI) એ Paytm ને 29 ફેબ્રુઆરી પછી કોઈપણ ગ્રાહક પાસેથી થાપણો અને ટોપ-અપ્સ ન સ્વીકારવાનો નિર્દેશ આપ્યો હતો. આ સમયમર્યાદા 15 માર્ચ સુધી લંબાવવામાં આવી છે, ત્યારબાદ Paytm ફાસ્ટેગ કામ કરશે નહીં. પરંતુ વપરાશકર્તાઓ તેમના જૂના ફાસ્ટેગને બંધ કરી શકે છે અને રિફંડ માટે વિનંતી કરી શકે છે. આ માહિતી RBI દ્વારા જારી કરવામાં આવતા વારંવાર પૂછાતા પ્રશ્નો (FAQs)માં આપવામાં આવી છે.
“FAQ જણાવે છે કે ‘કોઈપણ અસુવિધા ટાળવા માટે 15 માર્ચ, 2024 પહેલાં અન્ય બેંક દ્વારા જારી કરાયેલ નવો FASTag મેળવવાનું સૂચન કરવામાં આવે છે’.”
Paytm FASTag ને કેવી રીતે નિષ્ક્રિય કરું
તમે તમારા મોબાઇલ નંબર અને ટેગ ID નો ઉપયોગ કરીને તમારું હાલનું Paytm Fastag એકાઉન્ટ બંધ કરી શકો છો. આ કરવા માટે, 1800-120-4210 પર કૉલ કરો અને તમારા મોબાઇલ નંબરનો ઉલ્લેખ કરો જેના માટે FASTag નોંધાયેલ છે. સાથે તેમાં વાહન નોંધણી નંબર (VRN) અથવા ટેગ ID પણ શામેલ કરો. આ પછી Paytm ગ્રાહક સપોર્ટ એજન્ટ તમારો સંપર્ક કરશે.
Paytm ફાસ્ટેગને નિષ્ક્રિય કરવાનો બીજો કોઈ રસ્તો છે?
Paytm એપ્લિકેશનમાં, પ્રોફાઇલ આઇકોનને ટેપ કરો અને “સહાય અને સમર્થન” પર ક્લિક કરો. “બેંકિંગ સેવાઓ અને ચુકવણીઓ” વિભાગ હેઠળ, “FASTag” પસંદ કરો અને “અમારી સાથે ચેટ કરો” પર ક્લિક કરો. ત્યારબાદ એક્ઝિક્યુટિવને એકાઉન્ટને નિષ્ક્રિય કરવા માટે કહો અને ફાસ્ટેગ નિષ્ક્રિય કરવાની તમારી આ પ્રક્રિયા પૂર્ણ થઈ જશે.
નવું ફાસ્ટેગ સક્રિય કરવા કરો આ કામ
નવું ફાસ્ટેગ સક્રિય કરવા માટે ઓનલાઈન માધ્યમથી કરી શકશે. આ માટે સૌ પ્રથમ “My FASTag” એપ ડાઉનલોડ કરો. ત્યારપછી “Buy FASTag” પર ક્લિક કરો, જે તમને ટેગ ખરીદવા માટે ઈ-કોમર્સ લિંક પર લઈ જશે. અને પછી આના દ્વારા ફાસ્ટેગ ખરીદો, જે પછી તમને ડિલિવર કરવામાં આવશે.
આ સિવાય અન્ય રીતે જોઈએ તો “My FASTag” એપમાં, “Activate FASTag” પર ક્લિક કરો. Amazon અથવા Flipkart પસંદ કરો ફાસ્ટેગ આઈડી અને તમારા વાહનની વિગતો દાખલ કરો. અને પછી તે સરળતાથી સક્રિય થઈ જશે.
નોંધનીય છે કે FASTag મેમ્બર બેંકોમાંથી પણ ખરીદી શકાય છે. જેમાં એરટેલ પેમેન્ટ્સ બેંક, અલ્હાબાદ બેંક, બેંક ઓફ બરોડા, HDFC બેંક, ICICI બેંક, IDBI બેંક, પંજાબ નેશનલ બેંક, સ્ટેટ બેંક ઓફ ઇન્ડિયા અને યસ બેંકનો સમાવેશ થાય છે.
આ પણ વાંચોઃ pan card/PAN કાર્ડ યૂઝર્સ સાવધાન, સામાન્ય ભૂલો પર આવકવેરા વિભાગ કરી શકે છે દંડ, રાખો ધ્યાન
આ પણ વાંચોઃ Rapecase/જમીનમાં દાટેલું ધન કાઢવાને બહાને તાંત્રિકનો ત્રણ મહિલા પર બળાત્કાર
