મુંબઈઃ ઈન્ડિયન પ્રીમિયર લીગ (IPL)ની 17મી સીઝનની 20મી મેચમાં મુંબઈ ઈન્ડિયન્સ ટીમના પૂર્વ કેપ્ટન રોહિત શર્માના બેટથી T20 ક્રિકેટમાં એક મોટો રેકોર્ડ જોવા મળ્યો હતો. આ મેચમાં દિલ્હી કેપિટલ્સની ટીમે ટોસ જીતીને પ્રથમ બોલિંગ કરવાનો નિર્ણય કર્યો હતો. આ પછી મુંબઈ ઈન્ડિયન્સ માટે ઈશાન કિશન સાથે ઈનિંગની શરૂઆત કરવા આવેલા રોહિત શર્મા આજે પોતાની જૂની સ્ટાઈલમાં બેટિંગ કરતો જોવા મળ્યો હતો. જોકે, તે 27 બોલમાં 49 રનની ઇનિંગ રમીને આઉટ થયો હતો જેમાં 6 ફોર અને 3 સિક્સ પણ જોવા મળી હતી. આ સાથે રોહિતે T20 ક્રિકેટમાં એક એવી સિદ્ધિ મેળવી છે જે આ પહેલા કોઈ ભારતીય ખેલાડી કરી શક્યો ન હતો.
IPLની 17મી સિઝનમાં દિલ્હી કેપિટલ્સ સામેની મેચમાં રોહિત શર્માની માત્ર 27 બોલમાં 49 રનની વિસ્ફોટક ઇનિંગ જોવા મળી હતી. રોહિતે આ દરમિયાન 6 ફોર અને 3 સિક્સર પણ ફટકારી હતી.
રોહિતે T20 ક્રિકેટમાં 1500 બાઉન્ડ્રીનો આંકડો પાર કર્યો છે
રોહિત શર્માએ દિલ્હી કેપિટલ્સ સામેની મેચમાં કુલ 9 બાઉન્ડ્રી ફટકારવાની સાથે હવે T20 ક્રિકેટમાં 1508 બાઉન્ડ્રી ફટકારી છે, જે બાદ રોહિત આ ફોર્મેટમાં 1500થી વધુ બાઉન્ડ્રી ફટકારવાનો રેકોર્ડ ધરાવનાર પ્રથમ ભારતીય ખેલાડી બની ગયો છે. ગયો રોહિત પછી, T20 ક્રિકેટમાં ભારત માટે સૌથી વધુ બાઉન્ડ્રી ફટકારવાની યાદીમાં વિરાટ કોહલી બીજા નંબર પર છે, જેના નામે કુલ 1486 બાઉન્ડ્રી છે. જો આપણે વિશ્વ ક્રિકેટમાં T20 ફોર્મેટમાં સૌથી વધુ બાઉન્ડ્રી ફટકારવાના રેકોર્ડ પર નજર કરીએ તો ક્રિસ ગેલ પ્રથમ સ્થાને છે, જેણે અત્યાર સુધીમાં કુલ 2196 બાઉન્ડ્રી ફટકારી છે.
આ પણ વાંચો: પંતને ફટકારવામાં આવ્યો 12 લાખનો દંડ જાણો કેમ
આ પણ વાંચો:RCB vs KKR Live: કોલકાતાએ બેંગલુરુને 7 વિકેટે હરાવ્યું
આ પણ વાંચો:ક્રિકેટર પૂજા વસ્ત્રાકરે ઈન્સ્ટાગ્રામ સ્ટોરી ડીલિટ કરી, PM અને દિગ્ગજ નેતાઓ પરની પોસ્ટ વાયરલ