surendranagar News : સુરેન્દ્રનગર જિલ્લાના દસાડા તાલુકામાં લાંચ(Bribe) લેતા એક હેડ કોન્સ્ટેબલ ઝડપાયો હોવાનો કિસ્સો સામે આવ્યો છે. ભરત મેમકિયા નામના હેડ કોન્સ્ટેબલને રૂપિયા 80 હજાર લેતા રંગેહાથ પકડવામાં આવ્યો છે.
માહિતી મુજબ, પ્રોહિબિશનના ગુનામાં આરોપીને માર ન મારવા માટે ભરત મેમકિયાએ લાંચની માંગણી કરી હતી. ફરિયાદના આધારે અમદાવાદ ACBએ ટ્રેપ ગોઠવી કાર્યવાહી હાથ ધરી હતી અને આરોપીને ઝડપ્યો હતો.
આ ઘટનાએ પોલીસ વિભાગની કાર્યપદ્ધતિ પર સવાલો ઉભા કર્યા છે. હાલમાં ACB દ્વારા વધુ તપાસ હાથ ધરવામાં આવી રહી છે અને આગળની કાનૂની કાર્યવાહી કરવામાં આવશે.
