Health News: દૂધ, દહીં, પનીર અને છાશ સ્વાસ્થ્ય માટે કેટલું જરૂરી છે તે બધા જાણે છે. ડેરી ઉત્પાદિત ચીજવસ્તુઓને સંતુલિત આહારનો આવશ્યક ભાગ માનવામાં આવે છે. તેઓ કેલ્શિયમ, ફોસ્ફરસ, વિટામિન બી, પોટેશિયમ અને વિટામિન ડી જેવા આવશ્યક પોષક તત્વોથી સમૃદ્ધ છે જે બાળકોથી લઈને વૃદ્ધો સુધી બધાના સ્વાસ્થ્ય માટે ખૂબ જ ફાયદાકારક છે.

પરંતુ જ્યારે હૃદયરોગના દર્દીઓની વાત કરવામાં આવે, ત્યારે ડેરી ઉત્પાદનોનું સેવન સાવધાનીપૂર્વક કરવું જોઈએ. ડેરી ઉત્પાદનોમાં ફેટ વધુ હોય છે જે શરીરમાં ખરાબ કોલેસ્ટ્રોલનું સ્તર વધારી શકે છે અને હૃદયરોગને આમંત્રણ આપી શકે છે. દરરોજ 200 ગ્રામ ડેરી ઉત્પાદનોનું સેવન હૃદયના સ્વાસ્થ્ય પર હાનિકારક અસર કરી શકે છે. જોકે, નિષ્ણાતો કહે છે કે ડેરી ઉત્પાદનોને સંપૂર્ણપણે છોડી દેવી જોઈએ નહીં. કારણ કે તેમાં મહત્વપૂર્ણ પોષક તત્વો ભરપૂર માત્રામાં હોય છે જે શરીરને લાભ આપે છે. તેથી ઓછી ચરબીયુક્ત દૂધ, દહીં અને પનીરનું સેવન કરવું જોઈએ. ફુલ ફેટ દૂધ અને ક્રીમ, ચીઝનું સેવન હંમેશા ઓછી માત્રામાં કરવું જોઈએ.

લો ફેટ અથવા સ્કિમ્ડ મિલ્ક

શ્રેષ્ઠ પસંદગીઓમાં લો ફેટ દૂધ અને સ્કિમ્ડ મિલ્કનો સમાવેશ થાય છે, જેમાં સેચ્યુરેટેડ ફેટ ઓછું હોય છે અને શરીરને જરૂરી પોષક તત્વો પૂરા પાડે છે.

લો ફેટ દહીં

તેવી જ રીતે,લો ફેટ દહીં, ખાસ કરીને ખાંડ વગરનું સાદું દહીં, ચરબી અને કેલરીથી બચવા માટે એક ઉત્તમ વિકલ્પ છે.

લો ફેટ પનીર

લો ફેટ પનીર જેમ કે કોટેજ ચીઝ દ્વારા પણ શરીરને કોઈ નુકસાન પહોંચાડ્યા વિના પોષણ પૂરું પાડી શકાય છે, જો કે ચીઝમાં કેલરી હોય છે તેથી તેનો ઉપયોગ મર્યાદિત માત્રામાં જ કરવો જોઈએ.

ગ્રીક દહીં

સામાન્ય દહીંની તુલનામાં, ગ્રીક દહીંમાં પ્રોટીનનું પ્રમાણ વધુ અને કાર્બોહાઇડ્રેટ્સ ઓછું હોય છે જે તેને હૃદયના સ્વાસ્થ્ય માટે ફાયદાકારક બનાવે છે.

હૃદયના દર્દીઓ માટે સૌથી ખરાબ ડેરી પ્રોડક્ટ્સ

ફુલ ફેટ મિલ્ક

હાર્ટના દર્દીઓએ ફુલ ફેટવાળા દૂધ અને દહીંથી દૂર રહેવું જોઈએ કારણ કે તેમાં સેચ્યુરેટેડ ફેટ અને કોલેસ્ટ્રોલનું પ્રમાણ વધુ હોય છે, જે હૃદય રોગની સમસ્યાને વધુ વધારી શકે છે.

ચીઝ

સેચ્યુરેટેડ ફેટથી ભરપૂર ક્રીમ ચીઝનું સેવન ઓછું કરવું જોઈએ, જ્યારે ચેડર અથવા સ્વિસ જેવી હાર્ડ ચીઝ પણ ચરબીથી ભરપૂર હોય છે, તેથી હૃદયના દર્દીઓએ તેને ટાળવું જોઈએ.

આ પણ વાંચોઃ  Food/કિવી ખાવાથી સ્વાસ્થ્યને લાભ થાય છે

આ પણ વાંચોઃ  તમારા માટે/વજન ઘટાડવા માટે શું છે સૌથી શ્રેષ્ઠ કાજુ કે પછી બદામ ? જાણો સેવન વધુ ફાયદાકારક

આ પણ વાંચોઃ  Digestive System Health/આંતરડામાં ગંદકી જમા થાય છે? આ રીતે પાચનક્રિયાને સુધારો