ચીનનાં વિહાનથી ફેલાયેલો કોરોના વાયરસે ચીનમાં કહેર વરસાવી દીધો છે. આ વાયરસનાં કારણે અત્યાર સુધીમાં 132 લોકોનાં મોત થયા હોવાનું સામે આવી રહ્યુ છે. આ વાયરસ ધીરે ધીરે દુનિયાભરમાં ફેલાઇ રહ્યો હોવાથી મોટી મુસિબત બને તેવુ લાગી રહ્યુ છે.
ચીનમાં જીવલેણ કોરોના વાયરસ એટલો વધી રહ્યો છે કે તેનાથી 25 વધુ લોકોનાં મોતની પુષ્ટિ થઇ છે, જેની સાથે મૃત્યુની સંખ્યા 132 પર પહોંચી ગઈ છે. લગભગ 6,000 લોકો સંવેદનશીલ હોવાની પુષ્ટિ પણ કરવામાં આવી છે. આરોગ્ય નિષ્ણાતોએ ચેતવણી આપી છે કે આવતા 10 દિવસમાં વાયરસનો ચેપ ચરમસીમાએ પહોંચશે, પરિણામે મોટી સંખ્યામાં લોકોનાં મોત નીપજશે. જે દુનિયાભર માટે ખતરાની ઘંટી બરાબર છે.
ચીનનાં આરોગ્ય અધિકારીઓએ બુધવારે જણાવ્યું હતું કે મંગળવાર સુધી વાયરસનાં ચેપનાં 5,974 કેસોની પુષ્ટિ થઈ છે અને વાયરસને લીધે ન્યુમોનિયાનાં 31 નવા કેસો નોંધાયા છે. સત્તાવાર સમાચાર એજન્સી શિન્હુઆનાં જણાવ્યા અનુસાર, આ વાયરસને કારણે અત્યાર સુધીમાં કુલ 132 લોકોનાં મોત નીપજ્યાં છે. તેમણે કહ્યું કે, મંગળવાર સુધીમાં હુબેઇ પ્રાંતમાં કોરોના વાયરસને કારણે 125 લોકોનાં મોત નીપજ્યાં હતાં અને 3,554 કેસની પુષ્ટિ થઈ હતી.
એજન્સીએ જણાવ્યું હતું કે, કોરોના વાયરસથી પીડિત લોકોમાંથી 1,239 ની હાલત ગંભીર છે અને ચીનમાં 9,239 સંભવિત કેસ નોંધાયા છે. કોરોના વાયરસ એ વાયરસનું એક મોટું જૂથ છે, પરંતુ આમાંથી ફક્ત છ વાયરસ જ લોકોને ચેપ લગાવે છે. તેની સામાન્ય અસરોને કારણે શરદી થાય છે, પરંતુ ‘સિવીયર એક્યુટ શ્વસન સિન્ડ્રોમ’ (એસએઆરએસ) એ એક કોરોનાવાયરસ છે જેણે 2002-03માં ચીન અને હોંગકોંગમાં 650 જેટલા લોકોનો ભોગ લીધો હતો.
નીચે આપેલી લીંક પર ક્લિક કરીને જોડાવ મંતવ્ય ન્યૂઝ સાથે…
તમે અમને ફેસબુક, ટ્વીટર, ઇન્સ્ટાગ્રામ અને યુ ટ્યુબ પર પણ લાઇક અને ફોલો કરી શકો છો.
લેટેસ્ટ ન્યૂઝ અપડેટ્સ આપના ફોન પર સૌથી ઝડપી મેળવવા માટે આજે જ ડાઉનલોડ કરો “મંતવ્ય ન્યૂઝ” ની નવી મોબાઇલ એપ્લિકેશન.
