Ahmedabad News: અમદાવાદ મ્યુનિસિપલ કોર્પોરેશને ફરી એકવાર શહેરમાં મેગા ડિમોલિશન હાથ ધર્યું છે. ચંડોળા તળાવ પર થયેલા મેગા ડિમોલિશન બાદ, 24 નવેમ્બરે સવારે ઇસનપુર તળાવ પરના અતિક્રમણ દૂર કરવાની પ્રક્રિયા શરૂ થઈ હતી.સવારથી જ વિવિધ સ્થળોએ અતિક્રમણ દૂર કરવાની જવાબદારી મ્યુનિસિપલ કોર્પોરેશનના સહાયક મ્યુનિસિપલ કમિશનરોને સોંપવામાં આવી છે. જેસીબી અને હિટાચી મશીનોની મદદથી, ઇસનપુર તળાવની આસપાસ અતિક્રમણ તોડી પડાયા હતા. 20 જેસીબી, હિટાચી મશીનો અને મજૂરોની મદદથી અતિક્રમણ દૂર કરાયું હતું. આ દબાણની કામગીરી શાંતિ પૂર્ણ રીતે પૂરી થાય તે માટે અમદાવાદ શહેર પોલીસે (Police) મજબૂત પોલીસ દળ તૈનાત કર્યું છે. ત્યારે ઈસનપુર તળાવ દબાણ હટાવવાની જગ્યા પર CP સહિત અધિકારીઓનો કાફલો સ્થળ પર હાજર રહ્યો હતો.
CP સહિત અધિકારીઓનો કાફલો સ્થળ પર હાજર
આપને જણાવી દઈએ આ કામગીરી દરમિયાન SP, PI, PSI અને પોલીસ કોન્સ્ટેબલ સહિત કુલ 500 પોલીસ કર્મચારીઓને તૈનાત કરવામાં આવ્યા હતા. ચંડોળા તળાવની જેમ, ઇસનપુર તળાવમાં 1,000 થી વધુ લોકો રહે છે. તમામ અતિક્રમણ દૂર કરવાની પ્રક્રિયા 24 નવેમ્બરે શરૂ થઈ હતી. કડક પોલીસ સુરક્ષા વચ્ચે, 20 જેસીબી મશીનો અને 500 મ્યુનિસિપલ કર્મચારીઓ અને કામદારોએ ડિમોલિશનનું કામ હાથ ધર્યું હતું. રાજ્ય સરકાર અને મ્યુનિસિપલ કોર્પોરેશન દ્વારા શહેરના તળાવોનો વિકાસ થઈ રહ્યો હોવાથી, તેના પરનું દબાણ ઓછું થવા લાગ્યું છે.
આ પણ વાંચો:દહેગામ ડિમોલિશન બાદ હિંદુ સંગઠનોની પ્રતિક્રિયા, સરકારની કાર્યવાહીનું સ્વાગત
આ પણ વાંચો:ગાંધીનગરમાં મેગા ડિમોલિશન ડ્રાઈવ,700થી વધુ ગેરકાયદેસર દબાણો પર બુલડોઝર ફેરવાયું !
