પોર્ટુગલના વિશ્વવિખ્યાત સ્ટાર ફૂટબોલર ક્રિસ્ટિયાનો રોનાલ્ડો ઉપર એક અમેરિકન મહિલાએ રેપનો આરોપ લગાવ્યો છે. મહિલાના કહેવા પ્રમાણે રોનાલ્ડોએ તેની સાથે વર્ષ 2009માં રેપ કર્યો હતો.
આ મહિલાનું નિવેદન જર્મન મેગેઝીનમાં હાલમાં છાપવામાં આવ્યું છે. તો બીજી તરફ રોનાલ્ડોના વકીલે આ આરોપને જુઠ્ઠા ગણાવ્યા હતા અને કહ્યું હતું કે રોનાલ્ડો પર આવી ખોટી ખબર છાપવા બદલ તે મેગેઝીન પર કેસ કરશે.
મેગેઝિનમાં લખાણ પ્રમાણે આ રેપ વર્ષ 2009માં લાસ વેગાસની એક હોટલના રૂમમાં થયો હતો. મેગેઝિને આ નિવેદન પીડિત મહિલાના વકિલ તરફથી છાપવામાં આવ્યું છે. મેગેઝિનમાં આગળ જણાવવામાં આવ્યું છે કે, ત્યારબાદ માયોર્ગા અને રોનાલ્ડોએ કોર્ટની બહારના મુદ્દાને ઉકેલ્યો છે. એના માટે રોનાલ્ડોએ તેને આશરે $3,75,000 જેટલી રકમ આપી હતી. તેમણે વાયદો કર્યો હતો કે તેઓ આ અંગે ફરી ક્યારે વાત નહીં કરે.
તમને જણાવી દઈએ કે રોનાલ્ડો દુનિયાના સૌથી જાણીતા ખેલાડી છે. તેઓ પાંચ વખત પ્લેયર ઓફ ધ યર રહી ચુક્યા છે. આ વર્ષે તેમણે રિયાલ મેડ્રિડથી જુવેન્ટસમાં 100 મિલિયન યુરોનો કરાર સાથે ટ્રાન્સફર લીધો છે. તેઓ હાલ ઇટલીના આ ક્લબમાં મેગેઝિન દ્વારા છાપવામાં આવેલા સમાચારને લઇને પોતાનું નિવેદન આપવનો ઇન્કાર કર્યો છે.