Ahmedabad : રાજકોટની પાયલ હોસ્પિટલમાં મહિલાઓના સંવેદનશીલ ચેક-અપના CCTV ફૂટેજ વેચવાના કૌભાંડનો પર્દાફાશ થયો છે. અમદાવાદ સાયબર ક્રાઇમે મહારાષ્ટ્ર અને પ્રયાગરાજથી 3 આરોપીઓને દબોચી લીધા છે, જેઓ યુટ્યૂબ અને ટેલિગ્રામ ચેનલ દ્વારા આ પ્રકારના વીડિયોનું વેચાણ કરતા હતા. સાઈબર ક્રાઈમ પોલીસ 3 આરોપીઓને અમદાવાદ લાવશે.

આરોપીઓ માત્ર રાજકોટની પાયલ હોસ્પિટલ જ નહીં, પરંતુ દેશભરની અન્ય હોસ્પિટલોના CCTV ફૂટેજ પણ હેક કરી વેચતા હોવાની શંકા છે. મળતી માહિતી મુજબ, રાજકોટની જે હોસ્પિટલના CCTV આ યુટ્યૂબ ચેનલમાં અપલોડ કરવામાં આવ્યા હતા એ તપાસમાં પણ સ્પષ્ટ થયું છે કે હોસ્પિટલના CCTV કેમેરાના આઈપીના આધારે ફૂટેજ હેક કરવામાં આવ્યા હતા. બાદમાં આ ફૂટેજ સોશિયલ મીડિયા પર વેચતા હતા.

પ્રયાગરાજમાં ચાલી રહેલા મહાકુંભમાં પણ મહિલાઓના સંવેદનશીલ ફોટો-વીડિયો લેવાયા હોવાની તપાસ ચાલી રહી છે. સાયબર ક્રાઈમ આરોપીઓના ડિલીટ થયેલા ડેટાને રિકવર કરવાનો પ્રયાસ કરી રહી છે, જે આ કેસમાં વધુ પુરાવા આપી શકે છે. આરોપીઓ આંતરરાષ્ટ્રીય હેકર્સ સાથે પણ સંપર્કમાં હોવાનું જાણવા મળ્યું છે, જે આ ગુનાની ગંભીરતામાં વધારો કરે છે.

ગુજરાત સરકાર આ કેસને ગંભીરતાથી લઈ રહી છે અને આરોપીઓ સામે કડક કાર્યવાહી કરવાની ખાતરી આપી છે. રાજ્યના ગૃહમંત્રીએ મહિલા IPS નીરજા ગોત્રુની કામગીરીને બિરદાવી છે, જેઓ આ જટિલ કેસને ઉકેલવામાં સફળ રહ્યા છે. ગુજરાતમાં મહિલા IPS 34 છે, 22 નવા અને 8 સીધી ભરતીથી IAS મળશે. સાયબર ક્રાઈમ દ્વારા દેશભરની હોસ્પિટલોને તેમની CCTV સિસ્ટમની સુરક્ષા વધારવા માટે સૂચના આપવામાં આવી છે.

આરોપીઓની ધરપકડ

• પ્રજ્વલ અશોક તૈલી (અભ્યાસ- ધો. 12 પાસ, રહે. લાતુર, આરોપીનો રોલ- MEGHA MBBS, ANDAMEN PRODUCTION નામની યુટ્યૂબ ચેનલ અને MEGHA DEMOS TELEGRAM GROUP બનાવનાર, આ ઉપરાંત મોલ, હોસ્પિટલ તેમજ અલગ અલગ જગ્યાના CCTV હેક કરાવતો હતો)
• પ્રજ રાજેન્દ્ર પાટીલ (અભ્યાસ- નીટની તૈયારી કરે છે, રહે. સાંગલી, આરોપીનો રોલ- DEMOS TELEGRAM GROUPનું રજિસ્ટ્રેશન માટે મોબાઈલ નંબર આપનાર તથા આ ગ્રુપમાં સબસ્ક્રિપ્શન માટે જે રૂપિયા લેવામાં આવે એ માટેનું બેંક એકાઉન્ટ પ્રોવાઇડ કરનાર)
• ચંદ્રપ્રકાશ ફૂલચંદ, (રહે. ભીંસ, પ્રયાગરાજ, ઉત્તરપ્રદેશ, રોલ- CP Monda નામની યુટ્યૂબ ચેનલ બનાવી વીડિયો અપલોડ કરતો)

સોશિયલ મીડિયા મોનિટરિંગ દરમિયાન ગઈકાલે એ વાત સામે આવી કે મહાકુંભમાં સ્નાન કરતી વખતે મહિલાઓ સ્નાન કરતી અને કપડાં બદલતી હોય તેવા વીડિયો સોશિયલ મીડિયા પ્લેટફોર્મ પર અપલોડ કરવામાં આવી રહ્યા હતા, જે મહિલાઓની ગોપનીયતા અને ગરિમાનું સ્પષ્ટ ઉલ્લંઘન છે. ઉત્તર પ્રદેશના પોલીસ મહાનિર્દેશક પ્રશાંત કુમારના નિર્દેશ હેઠળ, સોશિયલ મીડિયા પર મહાકુંભ સંબંધિત વાંધાજનક પોસ્ટ અને અફવાઓ ફેલાવનારાઓને સતત ઓળખવામાં આવી રહ્યા છે અને તેમની સામે કાર્યવાહી કરવામાં આવી રહી છે.

આ 2 ખાતાઓ સામે કાર્યવાહી

યુપી પોલીસે આવા 02 કેસોની નોંધ લીધી છે અને કોટવાલી કુંભ મેળામાં કેસ નોંધ્યો છે અને જરૂરી કાનૂની કાર્યવાહી ચાલી રહી છે જેની વિગતો નીચે મુજબ છે:-

• 1-17-02-2025 ના રોજ ઈન્સ્ટાગ્રામ એકાઉન્ટ @neha1224872024 સામે કેસ નોંધવામાં આવ્યો. આ ઇન્સ્ટાગ્રામ એકાઉન્ટ પરથી મહાકુંભમેળામાં સ્નાન કરતી અને કપડાં બદલતી મહિલા સ્નાનકર્તાઓના અશ્લીલ વીડિયો પોસ્ટ કરવામાં આવી રહ્યા હતા. તેથી ઉપરોક્ત ઈન્સ્ટાગ્રામ એકાઉન્ટ સામે કેસ નોંધવામાં આવ્યો છે અને તેને ચલાવનાર વ્યક્તિની ઓળખ મેળવવા માટે મેટા કંપની પાસેથી માહિતી માંગવામાં આવી રહી છે. માહિતી મળતાં જ સંબંધિત વ્યક્તિની ધરપકડ સુનિશ્ચિત કરવામાં આવશે.
• 2-19-02-2025 ના રોજ ટેલિગ્રામ ચેનલ વિરુદ્ધ કેસ નોંધવામાં આવ્યો છે. ટેલિગ્રામ ચેનલ CCTV ચેનલ 11 દ્વારા એવો દાવો કરવામાં આવી રહ્યો હતો કે મહાકુંભમાં સ્નાન કરતી મહિલાઓના વીડિયો વિવિધ રકમના બદલામાં ઉપલબ્ધ કરાવવામાં આવશે. આ બાબતની નોંધ લેતા કેસ નોંધવામાં આવ્યો છે અને જરૂરી કાનૂની કાર્યવાહી ચાલી રહી છે.

આ પણ વાંચો: રાજકોટ હોસ્પિટલના CCTV ફૂટેજ મામલે ગૃહરાજ્યમંત્રી હર્ષ સંઘવીએ ટ્વીટ કરી

આ પણ વાંચો: સુરતથી પરપ્રાંતીય 3 ઇસમોની 42 સાયકલો સાથે ધરપકડ, વતન ઓરિસ્સામાં વેચવાનો હતો પ્લાન

આ પણ વાંચો: રાજકોટની જેમ ગુજરાતની અનેક હોસ્પિટલના CCTV હેક થયાની શંકા : આરોપીઓ પાસેથી અનેક અશ્લીલ વીડિયો મળ્યા