Uttar Pradesh News: ઉત્તર પ્રદેશના હાથરસમાં સત્સંગ દરમિયાન નાસભાગનો મામલો સુપ્રીમ કોર્ટમાં પહોંચ્યો છે. સુપ્રીમ કોર્ટમાં પીઆઈએલ દાખલ કરવામાં આવી છે જેમાં માંગ કરવામાં આવી છે કે આ ઘટનાની તપાસ સુપ્રીમ કોર્ટના નિવૃત્ત જજની અધ્યક્ષતામાં કરવામાં આવે. શુક્રવારે (5 જુલાઈ) સુપ્રીમ કોર્ટમાં આ અરજી પર વહેલી સુનાવણીની માંગણીનો ઉલ્લેખ કરવામાં આવ્યો હતો. કોર્ટે કહ્યું કે ચીફ જસ્ટિસ ડીવાય ચંદ્રચુડને આ મામલાની જાણકારી આપવામાં આવે.
કોર્ટની સૂચના બાદ અરજદારે ચીફ જસ્ટિસને મેલ પણ મોકલીને વહેલી સુનાવણીની માંગ કરી છે. આ મેલમાં કહેવામાં આવ્યું છે કે સુપ્રીમ કોર્ટના નિવૃત્ત ન્યાયાધીશની અધ્યક્ષતામાં પાંચ સભ્યોની એક સમિતિ બનાવવામાં આવે, જે હાથરસ અકસ્માતની તપાસ કરે. આવી જાહેર સભાઓ અને કાર્યક્રમોમાં જ્યાં મોટી સંખ્યામાં લોકો ઉમટે છે ત્યાં ભવિષ્યમાં આવા અકસ્માતો ન થાય તે માટે માર્ગદર્શિકા બનાવવા માટે મુખ્ય ન્યાયાધીશને સૂચનાઓ આપવા માંગ કરવામાં આવી છે.
બેદરકારી બદલ અધિકારીઓ સામે કાર્યવાહીની માંગ
ચીફ જસ્ટિસને મોકલવામાં આવેલા મેલમાં આગળ કહેવામાં આવ્યું છે કે ઉત્તર પ્રદેશ સરકારને હાથરસ ઘટના પર સ્ટેટસ રિપોર્ટ દાખલ કરવાનો નિર્દેશ આપવામાં આવે. બેદરકારી દાખવનાર તમામ વ્યક્તિઓ અને અધિકારીઓ સામે કાયદેસરની કાર્યવાહી થવી જોઈએ. અરજીમાં એવું પણ કહેવામાં આવ્યું છે કે ભવિષ્યમાં આવી ઘટનાઓ ન બને તે માટે નિયમો બનાવવામાં આવે. આવા નિયમો બનાવવા માટે રાજ્ય સરકારને સૂચના આપવાની પણ માંગણી આવેદનમાં કરવામાં આવી છે. કોંગ્રેસના નેતા અને લોકસભામાં વિરોધ પક્ષના નેતા રાહુલ ગાંધીએ શુક્રવારે હાથરસ અને અલીગઢની મુલાકાત લઈ મૃતકોના મદદની ખાતરી આપી.
SITનો રિપોર્ટ CM યોગીને સોંપવામાં આવ્યો
હાથરસ અકસ્માતનો SIT રિપોર્ટ મુખ્યમંત્રી યોગી આદિત્યનાથને સોંપવામાં આવ્યો છે. 15 પેજના આ રિપોર્ટમાં ડીએમ અને એસપી સહિત લગભગ 100 લોકોના નિવેદન નોંધવામાં આવ્યા છે. સૂત્રોએ જણાવ્યું છે કે રિપોર્ટમાં કેટલાક રાજકીય લોકોના નામનો પણ ઉલ્લેખ કરવામાં આવ્યો છે. એવું કહેવામાં આવ્યું છે કે બાબાએ આ નેતાઓને ચૂંટણી જીતાડવામાં ભૂમિકા ભજવી હતી. સૂત્રો પાસેથી મળેલી માહિતી મુજબ રિપોર્ટમાં રાજકીય ષડયંત્રની પણ વાત કરવામાં આવી છે. બાબાના સેવકની ભૂમિકા પર પણ સવાલો ઉભા થયા છે.
આ પણ વાંચો: અમૃતપાલ અને રાશિદ લોકસભાના સભ્ય તરીકે આજે લેશે શપથ, કસ્ટોડિયલ પેરોલ અપાઈ
આ પણ વાંચો: બે બાળકોના પિતાને સગીરા સાથે થયો પ્રેમ, છોકરીએ કર્યો ઈન્કાર… જાણો પછી શું થયું
આ પણ વાંચો: રાહુલ ગાંધી આજે હાથરસ આવશે, મૃતકોના સ્વજનોને મળશે
