Sukha Duneke Canada Murder: 2017માં નકલી પાસપોર્ટની મદદથી પંજાબથી કેનેડા ભાગી ગયેલા ગેંગસ્ટર સુખદુલ સિંહ ઉર્ફે સુક્ખા દુનેકેની હત્યા કરવામાં આવી છે. કેનેડાના વિનીપેગમાં સુક્ખા દુનેકેની ગોળી મારીને હત્યા કરવામાં આવી છે. સુક્ખા દુનેકે મોસ્ટ વોન્ટેડ આતંકી હતો. એનએઆઈએ દ્વારા જાહેર કરાયેલ 41 આતંકવાદીઓ અને ગેંગસ્ટરોની યાદીમાં પણ તેનો સમાવેશ કરવામાં આવ્યો હતો. NIAએ આજે પંજાબમાં સુખાના ઘરે પણ દરોડા પાડ્યા હતા.
દુનુકે ખાલિસ્તાની આતંકવાદી અર્શદીપની નજીક હતો
સુખદુલ પંજાબના મોગાનો રહેવાસી છે. તે પંજાબથી ભાગીને 2017માં કેનેડા પહોંચ્યો હતો. કહેવાય છે કે તે ખાલિસ્તાની આતંકવાદી અર્શદીપ સિંહનો નજીકનો માનવામાં આવે છે.
આપને જણાવી દઈએ કે કેટલાક મહિનાઓ પહેલા પંજાબ પોલીસે કેનેડાથી લાંબા સમયથી કામ કરતા 7 ગેંગસ્ટરોની ઓળખ કરી હતી. આ યાદીમાં લખબીર સિંહ ઉર્ફે લંડા ઉપરાંત ગોલ્ડી બરાડ, ચરણજીત સિંહ ઉર્ફે રિંકુ રંધાવા, અર્શદીપ સિંહ ઉર્ફે અર્શ દલા, રમનદીપ સિંહ ઉર્ફે રમણ જજ, ગુરપિંદર સિંહ ઉર્ફે બાબા દલ્લા, સુખદુલ સિંહ ઉર્ફે સુખા દુનેકેનો પણ સમાવેશ થાય છે. આ લોકો પંજાબમાં વિવિધ ગુનાહિત પ્રવૃત્તિઓ સાથે સંકળાયેલા હોવાનું માનવામાં આવે છે.
કેનેડા ગેંગસ્ટરો માટે સુરક્ષિત આશ્રયસ્થાન બની ગયું છે
ગયા વર્ષે મે મહિનામાં લોકપ્રિય પંજાબી ગાયક સિદ્ધુ મૂસેવાલાની ઘાતકી હત્યા બાદ દિલ્હી પોલીસના સ્પેશિયલ સેલ સહિતની સુરક્ષા એજન્સીઓએ ભારતમાં વિવિધ ગુનાઓમાં સામેલ ખાલિસ્તાની આતંકવાદીઓ અને ગેંગસ્ટરો માટે કેનેડા સુરક્ષિત આશ્રયસ્થાન તરીકે ઉભરી રહ્યું છે તે અંગે પણ ચિંતા વ્યક્ત કરી હતી. સૂત્રોએ જણાવ્યું હતું કે કેનેડામાં રહેતા ગેંગસ્ટરોનો ભારતમાં ગુનાહિત પ્રવૃત્તિઓ પર નોંધપાત્ર પ્રભાવ છે.
આ પણ વાંચો :hijab/ઇરાન સરકારે હિજાબ મામલે બનાવ્યો કડક કાયદો, મહિલાઓ હિજાબ પહેરવાનો ઇનકાર કરશે તો થશે આ કાર્યવાહી….
આ પણ વાંચો :Canada/કેનેડા, પાકિસ્તાનમાં વધી રહેલા ખાલિસ્તાન અને ISI લિંક પર મોટો ખુલાસો
આ પણ વાંચો :Canada/ભારત પર કેનેડાના આરોપો પર યુએસ, યુકે પછી હવે ઓસ્ટ્રેલિયાએ શું કહ્યું?
