Vadodara News: વડોદરા જિલ્લાના ડેસર તાલુકામાં સતત વરસી રહેલા મુશળધાર વરસાદે (Vadodara Rain) ગ્રામ્ય વિસ્તારોમાં ભારે નુકસાન સર્જ્યું છે. ભારે વરસાદના કારણે કરડ નદી પર આવેલો અને ધનતેજ તથા સધાપુરા ગામને જોડતો મહત્વપૂર્ણ કોઝવે ધસમસતા પાણીના પ્રવાહમાં ધોવાઈ ગયો છે. પરિણામે બંને ગામો વચ્ચેનો મુખ્ય સંપર્ક માર્ગ સંપૂર્ણપણે ખોરવાઈ ગયો છે.
પ્રાપ્ત માહિતી અનુસાર, કરડ નદી પરના ડાઇવર્ઝન નજીક આવેલો આ કોઝવે વરસાદી (Vadodara Rain) પાણીના જોરદાર પ્રવાહ સામે ટકી શક્યો નહીં અને તેનો મોટો ભાગ ધોવાઈ ગયો. સલામતીને ધ્યાનમાં રાખીને તંત્ર દ્વારા સમગ્ર માર્ગ વાહનવ્યવહાર માટે બંધ કરી દેવામાં આવ્યો છે.
Vadodara Rain:કરડ નદીમાં ધસમસતો પ્રવાહ
માર્ગ બંધ થતાં સ્થાનિક લોકોના દૈનિક જીવન પર સીધી અસર પડી છે. વિદ્યાર્થીઓને શાળા અને કોલેજ સુધી પહોંચવામાં મુશ્કેલી પડી રહી છે, જ્યારે ખેડૂતોને ખેતરો સુધી જવા માટે લાંબા અંતરના વૈકલ્પિક માર્ગો અપનાવવાની ફરજ પડી રહી છે. રોજગાર માટે આવનજાવન કરતા નોકરીયાત વર્ગને પણ ભારે હાલાકીનો સામનો કરવો પડી રહ્યો છે.
સ્થાનિક ગ્રામજનોએ જણાવ્યું કે ચોમાસાની શરૂઆતમાં જ કોઝવે ધોવાઈ જવાની ઘટના માર્ગોની ગુણવત્તા અને પ્રી-મોન્સૂન કામગીરી પર સવાલો ઉભા કરે છે. લોકોનો આક્ષેપ છે કે જો સમયસર મજબૂત કામગીરી કરવામાં આવી હોત તો આવી પરિસ્થિતિ ટાળી શકાય તેમ હતી.
હાલ કરડ નદીમાં પાણીનો પ્રવાહ યથાવત હોવાથી તાત્કાલિક મરામત કાર્ય શરૂ કરવું મુશ્કેલ બન્યું છે. જોકે ધનતેજ અને સધાપુરાના ગ્રામજનોએ વહીવટી તંત્ર સમક્ષ તાત્કાલિક વૈકલ્પિક માર્ગ અથવા કામચલાઉ વ્યવસ્થા ઉભી કરવાની માંગ ઉઠાવી છે.
વરસાદી (Vadodara Rain) પરિસ્થિતિને ધ્યાનમાં રાખીને તંત્ર દ્વારા લોકોને સાવચેત રહેવા અને બંધ કરાયેલા માર્ગોનો ઉપયોગ ન કરવાની અપીલ કરવામાં આવી છે. આગામી દિવસોમાં વરસાદ ચાલુ રહે તો વધુ વિસ્તારોમાં પણ અસર જોવા મળી શકે છે.
આ પણ વાંચો:વડોદરામાં આજે સવારથી વાદળછાયુ વાતાવરણ, શહેરના અનેક વિસ્તારોમાં કમોસમી વરસાદ વરસ્યો
આ પણ વાંચો:વડોદરાના બાજવામાં વરસાદથી માનવસર્જિત પૂર, નાગરિકોમાં રોષ
આ પણ વાંચો:ગુજરાતમાં વરસાદે મચાવી તબાહી,વડોદરા જિલ્લાની શાળાઓમાં રજા જાહેર
