UAE માં એક કપલનાં લગ્નનાં એક દિવસ પછી છૂટાછેડા થઈ ગયા હતા. આ છૂટાછેડાનો કેસ 2021નો છે. આ વર્ષે નોંધાયેલા તમામ છૂટાછેડાનાં કેસોમાં સૌથી લાંબા લગ્ન 47 વર્ષનાં હતા. એક વિદેશી દંપતીએ 47 વર્ષ પછી છૂટાછેડા લીધા હતા.
આ પણ વાંચો – Covid-19 / દેશમાં કોરોનાનાં કેસનો આંક દોઢ લાખથી નીચે આવ્યો, ડેલી પોઝિટિવિટી રેટ 9.27 %
લગ્ન કરતી વખતે, યુગલે સાત જન્મ સુધી એકબીજાનો સાથ આપવાનું વચન આપ્યું હતું, પરંતુ સંયુક્ત અરબ અમીરાતમાં છૂટાછેડાની એક વિચિત્ર ઘટના સામે આવી છે. લગ્નનાં એક દિવસ બાદ જ બંનેનાં છૂટાછેડા થઈ ગયા હતા. UAE નાં ઈતિહાસમાં આ સૌથી ટૂંકા લગ્ન છે. વળી, 47 વર્ષ પછી છૂટા પડી ગયેલા પરપ્રાંતીય દંપતી સૌથી લાંબુ નોંધાયેલા લગ્ન છે. UAE નાં ન્યાય મંત્રાલય (MoJ) દ્વારા બહાર પાડવામાં આવેલા તાજેતરનાં આંકડાઓ અનુસાર, 2021 માં UAE માં નોંધાયેલા 648 છૂટાછેડામાં આ કેસ હતો. ડેટા પરથી જાણવા મળ્યું છે કે, આ છૂટાછેડાનાં કેસોમાંથી 311 અમીરાતનાં સ્થાનિક યુગલોનાં છે. વળી, 194 કેસ પરપ્રાંતિયનાં છે. MoJ અનુસાર, અગાઉનાં વર્ષ દરમિયાન તે અમીરાતમાં નોંધાયેલા લગ્નોની કુલ સંખ્યા 4,542 હતી. અધિકારીઓએ જણાવ્યું હતું કે, આમા કેટલાક લગ્નો એક દિવસથી 15 દિવસ સુધી ચાલ્યા હતા કારણ કે યુગલોએ લગ્નમાં એક મહિનો વિતાવતા પહેલા જ વિવિધ કારણોસર છૂટાછેડા માટે અરજી કરી હતી. સત્તાવાળાઓએ છૂટાછેડાનાં ઘણા કેસ પણ નોંધ્યા હતા જ્યાં યુગલોએ અલગ થયા પહેલા લગ્નમાં લાંબો સમય વિતાવ્યો હતો. તેમાંથી એક સ્થળાંતરિત યુગલ પણ હતું જેણે લગ્નનાં 47 વર્ષ પછી છૂટાછેડા માટે અરજી કરી હતી. અન્ય કેટલાંક યુગલોએ 30 વર્ષથી વધુ સમય સુધી લગ્ન કર્યા બાદ છૂટાછેડા લીધા હતા.
આ પણ વાંચો – ગુજરાત / મુંબઈ-અમદાવાદ બુલેટ ટ્રેન પ્રોજેક્ટનું પ્રથમ રેલવે સ્ટેશન આ શહેરમાં બનશે, 4 વર્ષ પછી દોડશે પહેલી બુલેટ ટ્રેન
UAE માં કૌટુંબિક સલાહકારો અને મનોવૈજ્ઞાનિકોએ UAE માં વહેલા છૂટાછેડાનાં મુખ્ય કારણો તરીકે બેવફાઈ અથવા લગ્નેતર સંબંધો, પ્રતિબદ્ધતાનો અભાવ, શારીરિક અને મૌખિક દુર્વ્યવહાર, સોશિયલ મીડિયા અને જીવનસાથીમાંથી કોઈ એક દ્વારા જવાબદારીઓ નિભાવવામાં નિષ્ફળતાને ટાંક્યું છે. એડવાન્સ ક્યોર સાથે કામ કરતી ક્લિનિકલ સાયકોલોજિસ્ટ ડૉ. ડોલી હબલે અગાઉ ખલીજ ટાઈમ્સને જણાવ્યું હતું કે લગ્ન અને જવાબદારી પ્રત્યે પ્રતિબદ્ધતાનાં અભાવને કારણે ઘણા લગ્ન છૂટાછેડામાં ખતમ થાય છે.
