આર્મી ચીફ જનરલ એમએમ નરવણેએ શનિવારે સ્પષ્ટપણે કહ્યું હતું કે દેશની સરહદ પર એકપક્ષીય સ્થિતિને બદલવાના કોઈપણ પ્રયાસને સફળ થવા દેવામાં આવશે નહીં. તેમનું નિશાન સ્પષ્ટપણે ચીન તરફ હતું, જેની સાથે પૂર્વી લદ્દાખમાં વાસ્તવિક નિયંત્રણ રેખા (LAC) પર દોઢ વર્ષથી વધુ સમયથી તણાવ પ્રવર્તી રહ્યો છે. તે ભારતીય સેના દિવસ 2022 પર આયોજિત પરેડને સંબોધિત કરી રહ્યા હતા, જ્યારે તેમણે આતંકવાદીઓને આશ્રય આપવા બદલ પાકિસ્તાનની પણ ટીકા કરી હતી.
આ પણ વાંચો :પ્રજાસત્તાક દિવસની ઉજવણી દર વર્ષે 23 જાન્યુઆરીથી થશે શરૂ, જાણો કેમ લેવાયો આ નિર્ણય
અહીંના કેએમ કરિઅપ્પા પરેડ ગ્રાઉન્ડ ખાતે આર્મી ડે પરેડને સંબોધિત કરતા આર્મી ચીફે ચીન સાથેની ઉત્તરીય સરહદો પર થયેલા વિકાસને ટાંકીને કહ્યું હતું કે, “છેલ્લું વર્ષ સેના માટે અત્યંત પડકારજનક રહ્યું છે.” પૂર્વી લદ્દાખની ગતિરોધનો ઉલ્લેખ કરતા જનરલ નરવણેએ કહ્યું કે સ્થિતિને નિયંત્રણમાં લાવવા અને તેને જાળવી રાખવા માટે ભારત અને ચીન વચ્ચે સૈન્ય સ્તરની વાતચીતના 14 રાઉન્ડ યોજાયા છે. વિવિધ સ્તરે સંયુક્ત પ્રયાસોને કારણે ઘણા વિસ્તારોમાં સૈનિકોની પીછેહઠ પૂર્ણ થઈ છે, જે એક રચનાત્મક પગલું છે. પરસ્પર હિતના આધારે ઉકેલ શોધવાના પ્રયાસો ચાલુ રહેશે.
‘આપણી ધીરજની કસોટી કરવાની ભૂલ કોઈએ ન કરવી જોઈએ’
સૈન્ય પરેડને સંબોધતા આર્મી ચીફ જનરલ એમએમ નરવણેએ કહ્યું કે સૈનિકો દેશની સુરક્ષા માટે બરફથી ઢંકાયેલા પહાડો પર તૈનાત છે. તેમનું મનોબળ આકાશને આંબી રહ્યું છે. ચીન અને પાકિસ્તાનને કડક સંદેશ આપતા આર્મી ચીફે કહ્યું, ‘અમારું ધૈર્ય અમારા આત્મવિશ્વાસની નિશાની છે, પરંતુ કોઈએ તેની પરીક્ષા કરવાની ભૂલ ન કરવી જોઈએ. અમારો સંદેશ સ્પષ્ટ છે, ભારતીય સેના દેશની સરહદ પર યથાસ્થિતિ બદલવાના કોઈપણ એકપક્ષીય પ્રયાસને સફળ થવા દેશે નહીં.
આ પણ વાંચો :બીજેપીના ઉમેદવારોની પ્રથમ યાદી જાહેર, CM યોગી અયોધ્યાથી નહીં લડે ચૂંટણી, જુઓ યાદી
આર્મી ચીફ જનરલ એમએમ નરવણેએ પણ આ સમયગાળા દરમિયાન પાકિસ્તાનને આડે હાથ લીધું હતું અને કહ્યું હતું કે આ વર્ષે નિયંત્રણ રેખા (LAC) પર સ્થિતિ સારી છે, પરંતુ પાકિસ્તાન હજી પણ આતંકવાદીઓને આશ્રય આપી રહ્યું છે. સરહદ પારથી ઘૂસણખોરીના પ્રયાસો ચાલુ છે, જેને આપણા જવાનો નિષ્ફળ બનાવી રહ્યા છે. આતંકવાદ વિરોધી ઓપરેશનમાં 144 આતંકવાદીઓ માર્યા ગયા છે. તે જ સમયે, 300-400 આતંકવાદીઓ ભારતમાં ઘૂસણખોરીના ષડયંત્રમાં લાગેલા છે. સેના આને ક્યારેય સફળ થવા દેશે નહીં.
આ પણ વાંચો : જમ્મુ-કાશ્મીર સરકારે નવો આદેશ જારી કર્યો, કોરોનાનાં કેસમાં વધારો થતા લાગુ કર્યુ વીકેન્ડ કર્ફ્યુ
આ પણ વાંચો : દેશમાં આજે નોંધાયા અઢી લાખથી વધુ કોરોનાનાં નવા કેસ, 402 લોકોનાં થયા મોત
આ પણ વાંચો :પાકિસ્તાન થયુ કંગાળ, છેલ્લા ચાર વર્ષમાં વિદેશી દેવાની ચુકવણીમાં 399 ટકાનો થયો વધારો
