Gujarat Weather Update: ગુજરાતમાં આજે એક તરફ ગરમી અને ઉકળાટનો માહોલ રહેશે તો બીજી તરફ કેટલાક વિસ્તારોમાં માવઠાની શક્યતા વ્યક્ત કરવામાં આવી છે. હવામાન વિભાગે આગાહી કરતા જણાવ્યું છે કે રાજ્યમાં સાયક્લોનિક સર્ક્યુલેશન સિસ્ટમ સક્રિય થતા વાતાવરણમાં પલટો જોવા મળી શકે છે.
હવામાન વિભાગ અનુસાર જૂનાગઢ, રાજકોટ, ભાવનગર, અમરેલી, બોટાદ અને ગીર સોમનાથ જિલ્લામાં હળવાથી મધ્યમ વરસાદની શક્યતા છે. સાથે જ દાહોદ, છોટાઉદેપુર, નર્મદા અને તાપી જિલ્લામાં પણ માવઠાની આગાહી કરવામાં આવી છે.
રાજ્યના અનેક વિસ્તારોમાં ગરમી સાથે ઉકળાટનો અનુભવ થઈ શકે છે, જેના કારણે લોકોને સાવચેતી રાખવાની સલાહ આપવામાં આવી છે.
