પાકિસ્તાનની મુસીબત ઓછી થતી જણાતી નથી. એક સાંધે તેર તૂટે એવો ઘાટ છે. CPEC હેઠળ પાકિસ્તાનમાં કાર્યરત લગભગ 25 ચીની કંપનીઓએ ચેતવણી આપી છે કે જો તેમના રૂ. 300 બિલિયનના બાકી લેણાંની ચૂકવણી કરવામાં નહીં આવે તો તેઓને આ મહિને તેમની કામગીરી બંધ કરવાની ફરજ પડશે. તાજેતરમાં આયોજન અને વિકાસ મંત્રી અહેસાન ઈકબાલની અધ્યક્ષતામાં યોજાયેલી બેઠક દરમિયાન ચાઈનીઝ ઈન્ડિપેન્ડન્ટ પાવર પ્રોડ્યુસર્સ (આઈપીપી) દ્વારા આ જાહેરાત કરવામાં આવી હતી. આમાં ચીનની 30થી વધુ કંપનીઓના વડા સામેલ હતા. આ કંપનીઓ ઊર્જા, સંચાર, રેલવે અને અન્ય ક્ષેત્રો સાથે સંકળાયેલી છે.
બેઠકમાં પાવર જનરેટીંગ કંપનીઓએ 300 બિલિયન પાકિસ્તાની રૂપિયા (US$ 15,95,920,800) ના લેણાંની ચુકવણી અંગે માંગ કરી હતી. આ ઉપરાંત ચીની કંપનીઓના અધિકારીઓ દ્વારા ચીની અધિકારીઓ માટે જટિલ વિઝા પ્રક્રિયાઓ અને ટેક્સ સંબંધિત સમસ્યાઓ પણ ઉઠાવવામાં આવી હતી. આમાંથી 25 કંપનીઓના પ્રતિનિધિઓએ ફક્ત તેમના હાથ ઊંચા કર્યા અને કહ્યું કે તેઓ ચૂકવણી વિના લાંબા સમય સુધી કામ કરી શકશે નહીં.
ચાઈનીઝ કંપનીઓના જણાવ્યા અનુસાર, કોઈને પહેલાથી જ પગાર નથી મળી રહ્યો. કોરોનાને કારણે તેમની હાલત પણ સારી નથી. હવે પાકિસ્તાન સરકાર તેમના પર વધારાનો ટેક્સ લગાવી રહી છે. પૂર્વ પીએમ ઈમરાન ખાન જ્યારે તેમના કાર્યકાળ દરમિયાન છેલ્લી વખત ચીન ગયા હતા ત્યારે તેમણે લેણાંની વહેલી ચુકવણીની વાત કરી હતી, પરંતુ તેમ પણ થઈ શક્યું ન હતું.
આયોજન અને વિકાસ પ્રધાન અહેસાન ઈકબાલે ચીની કંપનીઓને ખાતરી આપી છે કે વડા પ્રધાને પહેલાથી જ પરિસ્થિતિની નોંધ લીધી છે અને સંબંધિત અધિકારીઓને તેમને સમગ્ર મુદ્દા વિશે સંક્ષિપ્ત કરવા અને વહેલી ચુકવણીની વ્યવસ્થા કરવા જણાવ્યું છે. તેમણે વચન આપ્યું હતું કે સરકાર નાણાકીય સંકટને ઉકેલવામાં વ્યસ્ત છે. ટૂંક સમયમાં કંપનીઓને ચૂકવણી કરવામાં આવશે
