ભારતનો પાડોશી દેશ પાકિસ્તાન તેની નાપાક હરકતોથી બચી રહ્યું નથી. પાકિસ્તાન કાશ્મીરમાં સરહદને અડીને આવેલા વિસ્તારોમાં તો ક્યારેક પંજાબ અને રાજસ્થાનમાં ડ્રોન દ્વારા વારંવાર ષડયંત્ર રચે છે. તાજો મામલો કાશ્મીરના કાનાચક વિસ્તારનો છે. અહીં BSFએ ટિફિન બોક્સની અંદરથી IEDs મળી આવ્યા છે, જેમાં ટાઇમર અલગ-અલગ સમય માટે સેટ કરવામાં આવ્યું હતું. જોકે, બીએસએફે તેને સમયસર નિષ્ક્રિય કરી દીધો હતો.
ટિફિન બોક્સની અંદર ત્રણ મેગ્નેટિક આઈઈડી પેક કરવામાં આવ્યા હતા
બીએસએફને કાનાચક વિસ્તારમાં ગઈકાલે રાત્રે લગભગ 11 વાગ્યે ડ્રોનની હિલચાલ જોવા મળી હતી અને તેના પર ગોળીબાર કર્યો હતો. આ ઘટના પછી તરત જ પોલીસ દળ તૈનાત કરવામાં આવ્યું હતું અને ડ્રોન વિરોધી એસઓપીનું પાલન કરવામાં આવ્યું હતું. BSFએ કહ્યું છે કે, ડ્રોન સાથે જોડાયેલ પેલોડ નીચે લાવવામાં આવ્યો હતો. પેલોડમાં બાળકોના ટિફિન બોક્સની અંદર પેક કરાયેલા ત્રણ મેગ્નેટિક આઈઈડીનો સમાવેશ થતો હતો, જેમાં ટાઈમર અલગ-અલગ સમય માટે સેટ કરવામાં આવ્યું હતું. IEDને નિષ્ક્રિય કરી દેવામાં આવ્યો છે અને કેસ નોંધવામાં આવ્યો છે.
શંકાસ્પદ ડ્રોન લગભગ 800 મીટર હવામાં ઉડી રહ્યું હતું. આ પહેલા પણ કઠુઆ જિલ્લામાં BFF દ્વારા ડ્રોનને તોડી પાડવામાં આવ્યું હતું, જેમાં બોમ્બ જેવું કંઈક મળ્યું હતું. ત્યાંના સ્થાનિક લોકોએ ડ્રોન જોયો હતો.
અમરનાથ યાત્રા પહેલા સેના એલર્ટ
સરહદ પારથી અવારનવાર ડ્રોનની હિલચાલને કારણે પોલીસની સર્ચ ટીમો આ વિસ્તારમાં નિયમિતપણે મોકલવામાં આવી રહી છે. આ ઘટના દક્ષિણ કાશ્મીર હિમાલયમાં પવિત્ર અમરનાથ ગુફાની વાર્ષિક તીર્થયાત્રાની શરૂઆત પહેલા બની હતી. આ મુલાકાત પહેલા સુરક્ષા વ્યવસ્થા સઘન કરી દેવામાં આવી છે. અહીં 30 જૂનથી 43 દિવસની અમરનાથ યાત્રા બે રૂટ સાથે શરૂ થવા જઈ રહી છે.
આ પણ વાંચો:કુપવાડામાં સુરક્ષાદળોને મોટી સફળતા, 2 આતંકવાદીઓ ઠાર માર્યા ગયા
