મહારાષ્ટ્ર વિધાનસભાના વિશેષ સત્રની શરૂઆત સાથે, એકનાથ શિંદે અને ઉદ્ધવ ઠાકરે જૂથ વચ્ચે ટક્કર છે. શિંદેના નેતૃત્વમાં શિવસેનાના જૂથે અહીં વિધાન ભવનમાં ધારાસભ્ય દળની ઓફિસને સીલ કરી દીધી છે. શિવસેના વિધાયક દળના કાર્યાલયની બહાર મરાઠીમાં એક નોટિસ ચોંટાડવામાં આવી છે, જેમાં લખ્યું છે કે, “આ કાર્યાલય શિવસેના વિધાનમંડળ પક્ષના કાર્યાલયની સૂચના મુજબ બંધ છે.”
મહારાષ્ટ્રમાં નવા ચૂંટાયેલા મુખ્ય પ્રધાન એકનાથ શિંદેના નેતૃત્વમાં ભારતીય જનતા પાર્ટી (BJP)ના સહયોગથી રચાયેલી નવી સરકાર 4 જુલાઈએ અહીંથી શરૂ થનારા વિધાનસભાના બે દિવસીય વિશેષ સત્રમાં બહુમતી સાબિત કરશે.એક અધિકારીએ જણાવ્યું કે, રવિવારે સવારે 11 વાગ્યે વિધાનસભાની કાર્યવાહી શરૂ થયા બાદ સ્પીકરના પદ માટે ચૂંટણી યોજાશે.
પ્રથમ વખત બંને પક્ષો સામસામે આવશે
આજે લગભગ 13 દિવસ પછી પહેલીવાર શિંદે અને ઠાકરે જૂથ આમને-સામને થશે. શિંદેને શિવસેનાના 39 ધારાસભ્યોનું સમર્થન છે. તે જ સમયે, ઠાકરે પાસે માત્ર 16 ધારાસભ્યો બચ્યા છે.
