રણબીર કપૂર અને બોબી દેઓલ સ્ટારર ફિલ્મ એનિમલ એ રિલીઝ થયા પછી બોક્સ ઓફિસ પર ધૂમ મચાવી દીધી છે. ભલે ફિલ્મ જોરદાર કમાણી કરી રહી હોય, પરંતુ તેમાં બતાવવામાં આવેલા ઘણા સીન પર વિવાદ છે. અગાઉ રણબીરના પાત્રને ઝેરી અને મહિલા વિરોધી ગણાવવામાં આવ્યું હતું. પરંતુ હવે એનિમલ પર શીખ ધર્મનું અપમાન કરવાનો આરોપ લાગ્યો છે. શીખ સમુદાયે ફિલ્મના કેટલાક દ્રશ્યો સામે વિરોધ વ્યક્ત કર્યો છે.
વિવાદમાં એનિમલ
જાણકારી મુજબ, ઓલ ઈન્ડિયા શીખ સ્ટુડન્ટ ફેડરેશનના પ્રમુખ કરનૈલ સિંહ પીર મોહમ્મદે સેન્સર બોર્ડને એક પત્ર લખીને ફિલ્મમાંથી શીખોને લગતા વિવાદાસ્પદ દ્રશ્યને હટાવવાની માંગ કરી છે. તે કહે છે કે ફિલ્મના એક સીનમાં રણબીર કપૂર એક ગુરસિખના મોં પર સિગારેટનો ધુમાડો છોડતો જોવા મળે છે. અન્ય એક દ્રશ્યમાં તે ગુરસિખ યુવકની દાઢી પર ચાકુ રાખતો પણ જોવા મળે છે. કરનૈલ સિંહ કહે છે કે સંસ્થાને એનિમલ ફિલ્મના આ દ્રશ્યો અંગે પણ વાંધો છે.
અરજણ વેલી ગીત સામે પણ વાંધો
એટલું જ નહીં શીખ સંગઠને એનિમલના પ્રખ્યાત ગીત ‘અર્જન વેલી’ પર પણ વાંધો વ્યક્ત કર્યો છે. સંગઠને સેન્સર બોર્ડને ફિલ્મમાંથી ‘અર્જન વેલી’ ગીતમાં દર્શાવવામાં આવેલી ગુંડાગીરી અને સીનને હટાવવાની માંગ કરી છે, જેથી લોકો પર તેની ખરાબ અસર ન પડે.
બોક્સ ઓફિસ પર એનિમલની ગર્જના
એનિમલના બોક્સ ઓફિસ કલેક્શનની વાત કરીએ તો વિવાદોમાં હોવા છતાં ફિલ્મ રેકોર્ડ બ્રેક કમાણી કરી રહી છે. ફિલ્મે રિલીઝના 10માં દિવસે 37 કરોડ રૂપિયાથી વધુની કમાણી કરી લીધી છે. માત્ર 10 દિવસમાં ફિલ્મનું કુલ નેટ ઈન્ડિયા કલેક્શન 433 કરોડ રૂપિયાની નજીક પહોંચી ગયું છે. તે જ સમયે, વિશ્વવ્યાપી બોક્સ ઓફિસ પર ફિલ્મની કમાણી 700 કરોડ રૂપિયાને પાર કરી ગઈ છે.
એનિમલમાં રણબીર-બોબીની દમદાર સ્ટાઇલ
રણબીર કપૂરનું અત્યાર સુધીનું સૌથી વિકરાળ સ્વરૂપ એનિમલમાં જોવા મળ્યું છે. આ ફિલ્મમાં બોબી વિલન બન્યો છે. તેને રણબીર કરતા ઘણી ઓછી સ્ક્રીન સ્પેસ મળી છે, પરંતુ તેને તેના જોરદાર અભિનયથી બધાના દિલ જીતી લીધા છે. એનિમલમાં રણબીર-બોબી ઉપરાંત અનિલ કપૂર, રશ્મિકા મંદાના, તૃપ્તિ ડિમરી પણ મહત્વના રોલમાં જોવા મળી રહ્યા છે.
આ પણ વાંચો:Bollywood/કેસરી બિકીની, નગ્ન દ્રશ્યો અને આલ્ફા મેલ થિયરી,બોલિવૂડ આખું વર્ષ આ વિવાદોથી ઝઝૂમતું રહ્યું
આ પણ વાંચો:Shama Sikandar/42 વર્ષની ઉંમરે ખૂબ જ હોટ દેખાય છે શમા સિકંદર, મોનોકિનીમાં મચાવી તબાહી
આ પણ વાંચો:National Crush/રશ્મિકાને પાછળ છોડીને તૃપ્તિ ડિમરી બની નેશનલ ક્રશ, આ અભિનેત્રીઓને પણ મળ્યું છે આ બિરુદ; મિસ વર્લ્ડનું નામ પણ સામેલ