Ahmedabad News: અમદાવાદીઓનો ઝોક (EV) ઇલેક્ટ્રિક વાહનો તરફ વધ્યો છે. તેમા પણ ખાસ કરીને છેલ્લા ત્રણ વર્ષમાં ઇલેક્ટ્રિક ટુ-વ્હીલરની ખરીદીમાં 927 ટકાનો વધારો થયો છે. RTOમાં નોંધાયેલા ડેટા અનુસાર, 2021માં હજાર ઇલેક્ટ્રિક ટુ-વ્હીલરનું વેચાણ થયું હતું, 2022માં 7,127 વાહન વેચાયા હતા. 2023માં 10,271 વાહનોનું વેચાણ થયું હતું. આ સિવાય 2021 થી 2023 સુધીમાં ઓછા વજનના વાહનો અને થ્રી-વ્હીલરની ખરીદી વધી છે. 2 હજારથી વધુ ઈલેક્ટ્રિક કાર પણ વેચાઈ છે.
ઇલેક્ટ્રિક વાહનોને પ્રોત્સાહન આપવા માટે, મહાનગરપાલિકા 81 સ્થળોએ ચાર્જિંગ સ્ટેશન શરૂ કરવાની છે. ટેન્ડર બહાર પાડવામાં આવ્યું છે. આરટીઓના ડેટા અનુસાર, શહેરીજનો ખાસ કરીને ઇલેક્ટ્રિક ટુ-વ્હીલર્સને પ્રાધાન્ય આપી રહ્યા છે. 2023માં નોંધાયેલા કુલ ઇલેક્ટ્રિક વાહનોમાં ટુ-વ્હીલરનો હિસ્સો સૌથી વધુ છે. 2021માં 175 હળવા વાહનો, 2022માં 932 અને 2023માં 2070 નોંધાયા હતા. ફેબ્રુઆરી 2024 સુધીમાં, 1371 ઇલેક્ટ્રિક ટુ-વ્હીલર, 294 હળવા વાહનો અને 46 થ્રી-વ્હીલર નોંધાયા હતા.
મ્યુનિ. 81 જગ્યાએ ચાર્જિંગ સ્ટેશન બનાવવામાં આવશે. ઇલેક્ટ્રિક વાહનોની વધતી સંખ્યાને ધ્યાનમાં રાખીને ચાર્જિંગ સ્ટેશન પણ બનાવવામાં આવી રહ્યા છે. હાલમાં, 12 ચાર્જિંગ સ્ટેશન પબ્લિક-પ્રાઇવેટ પાર્ટનરશિપ (PPP) મોડલ પર કાર્યરત છે. સિંધુભવન રોડ, પ્રહલાદનગર ગાર્ડન, ઈન્કમટેક્સ બ્રિજ, નારોલ ફ્લાયઓવર, સીટીએમ બ્રિજ નીચે, કાંકરિયા, ન્યૂ એસજી રોડ, બાપુનગર બ્રિજ અને ગોવિંદવાડી સર્કલ જેવા સ્થળોનો સમાવેશ થાય છે. મહાનગરપાલિકાએ 27 નવા સ્થળોએ ચાર્જિંગ સ્ટેશન શરૂ કરવાનું આયોજન કર્યું છે. 81 જગ્યાએ ચાર્જિંગ સ્ટેશન બનાવવા માટે ટેન્ડર બહાર પાડવામાં આવ્યા છે. આનાથી આગામી વર્ષોમાં અમદાવાદ શહેરના ઈલેક્ટ્રિક વાહન ઈન્ફ્રાસ્ટ્રક્ચરને વધુ મજબૂત બનાવશે.
આ પણ વાંચો: ગુજરાતમાં છેલ્લા ત્રણ વર્ષમાં EV વેચાણ 714 ટકા વધ્યું
આ પણ વાંચો: ઇલેક્ટ્રિક વ્હીકલ ચાર્જિંગ સ્ટેશન બિઝનેસ આગામી સમયમાં બની શકે છે ધિકતો ધંધો
આ પણ વાંચો: ટેસ્લાની ભારત આવવાની યોજના પર PMએ કહ્યું- કોઈપણ વ્યક્તિ પૈસાનું રોકાણ કરી શકે છે, પરંતુ મેન્યુફેક્ચરિંગ…
