Take Care of Dogs: બોમ્બે હાઈકોર્ટે અવલોકન કર્યું હતું કે રખડતા કૂતરાઓને ખવડાવવામાં આવે અને તેની કાળજી લેવામાં આવે તો તે આક્રમક બનીને માણસો પર હુમલો કરશે નહીં. હાઈકોર્ટ નવી મુંબઈમાં સીવુડ્સ એસ્ટેટ લિમિટેડ (SEL) ના મેનેજમેન્ટ અને રખડતા કૂતરાઓને ખવડાવતા રહેવાસીઓ વચ્ચેના વિવાદનો સૌહાર્દપૂર્ણ ઉકેલ શોધવાનો પ્રયાસ કરી રહી હતી ત્યારે કોર્ટે આ કહ્યું હતું.
કોર્ટે કહ્યું કે તેણે બોમ્બે હાઈકોર્ટ પરિસરમાં રખડતા કૂતરાઓને ખવડાવીને તેમની સમસ્યાનો ઉકેલ લાવી દીધો છે. સૂત્રોના જણાવ્યા અનુસાર, જસ્ટિસ ગૌતમ પટેલે કહ્યું કે, કોઈ પણ કૂતરા કે વાઘને કહી શકાતું નથી કે તેમની પ્રાદેશિક સીમાઓ શું છે. તેઓ તમારી સીવુડ્સ એસ્ટેટની સીમાઓ જાણતા નથી. અમને બોમ્બે હાઈકોર્ટમાં આ સમસ્યા હતી. અમે તેનો ઉકેલ લાવી દીધો. તેમને ખવડાવવું અને કાળજી લેવી જોઈએ. જો કે, કોર્ટે નોંધ્યું હતું કે ફીડિંગ સ્પોટ્સ શોધવા એ સમયની જરૂરિયાત છે અને એકવાર ઓળખી લેવામાં આવે તો, ફીડિંગ, નસબંધી, રસીકરણ અને ન્યુટરીંગ માટેની નાણાકીય અને ભૌતિક જવાબદારી સ્વયંસેવકો અથવા ફીડર પર આવશે. જસ્ટિસ ગૌતમ પટેલ અને જસ્ટિસ નીલા ગોખલેની ડિવિઝન બેન્ચે SELના સ્વયંસેવકોની યાદી માંગી હતી, જેઓ પરિસરની અંદર રખડતા કૂતરાઓને ખવડાવતા હોય છે અને તેમની સંભાળ રાખવા અને તમામ ખર્ચ ઉઠાવવા તૈયાર હોય છે.
આ દરમિયાન હાઈકોર્ટે આ મામલાની સુનાવણી 20 માર્ચ 2023 સુધી મુલતવી રાખી છે. નવી મુંબઈમાં સીવૂડ્સ ખાતે રહેણાંક સંકુલના છ રહેવાસીઓ દ્વારા નવી મુંબઈ મ્યુનિસિપલ કોર્પોરેશન (NMMC) ને જાહેર સ્થળોએ રખડતા કૂતરાઓને ખોરાક આપવાના વિસ્તારો ઓળખવા માટે નિર્દેશની માંગ કરતી અરજી દાખલ કરવામાં આવી હતી. રહેવાસીઓએ રખડતા પ્રાણીઓને ખવડાવવા બદલ તેમની હાઉસિંગ સોસાયટી દ્વારા તેમના પર લાદવામાં આવેલા દંડને પણ પડકાર્યો છે.
આ પણ વાંચો: Lok Sabha/લોકસભાની ચૂંટણી 2024 માં મમ્મતા બેનર્જી ગેમ ચેન્જર હશે, જાણો શું કહ્યું TMC નેતાએ
