વિરાટ કોહલીએ IPL 2021 માં મુંબઈ ઈન્ડિયન્સ સામે ચાલી રહેલી મેચમાં ઈતિહાસ સર્જ્યો છે. વિરાટે ટી 20 ક્રિકેટમાં પોતાના 10,000 રન પૂરા કર્યા છે આમ કરનાર તે પ્રથમ ભારતીય બેટ્સમેન બની ગયો છે. વિશ્વ ક્રિકેટમાં આ રીતનો રેકોર્ડ કરનારામાત્ર પાંચ બેટ્સમેન છે. તેમાં વિરાટનો પણ સમાવેશ થયો છે. તેમના પહેલા માત્ર ક્રિસ ગેલ, કિરોન પોલાર્ડ, શોએબ મલિક અને ઓસ્ટ્રેલિયન ઓપનર ડેવિડ વોર્નરે ક્રિકેટના ટૂંકા ફોર્મેટમાં દસ હજાર રન બનાવ્યા છે. વિરાટે ગેઈલ પછી સૌથી ઝડપી દસ હજાર રન પણ પૂરા કર્યા છે અને તેણે આ બાબતમાં અન્ય ત્રણ બેટ્સમેનોને પાછળ છોડી દીધા છે.
6️⃣ Pulled away for a maximum and Virat Kohli reaches 1️⃣0️⃣0️⃣0️⃣0️⃣ runs in T20s. 🤩🤩🤩
Mr. Milestone. 😎#PlayBold #WeAreChallengers #ನಮ್ಮRCB #IPL2021 #RCBvMI
— Royal Challengers Bangalore (@RCBTweets) September 26, 2021
વિરાટ કોહલીએ મુંબઈ સામે 13 મો રન બનાવતાની સાથે જ આ વિશેષ સ્થાન હાંસલ કર્યું. તેણે પોતાની ટી 20 કારકિર્દીની 299 મી ઇનિંગમાં 10,000 રનના આંકડાને સ્પર્શ કર્યો હતો. કોહલીએ ઝડપી ક્રિકેટના આ ફોર્મેટમાં અત્યાર સુધીમાં 5 સદી અને 73 અડધી સદી ફટકારી છે અને તેનો સર્વોચ્ચ સ્કોર 113 રન છે. તમને જણાવી દઈએ કે વિરાટ આઈપીએલમાં 6000 થી વધુ રન બનાવનાર એકમાત્ર બેટ્સમેન છે. ચેન્નાઈ સામે રમાયેલી છેલ્લી મેચમાં આરસીબી કેપ્ટન 53 રન બનાવી આઉટ થયો હતો અને સિદ્ધિ હાંસલ કરવામાં ચૂકી ગયો હતો. ટી 20 માં કોહલી બાદ ભારત માટે સૌથી વધુ રન બનાવનાર રોહિત શર્મા છે, જેણે 351 મેચની 338 ઇનિંગ્સમાં કુલ 9348 રન બનાવ્યા છે. આ દરમિયાન હિટમેને છ સદી અને 65 અડધી સદી ફટકારી છે.
તાજેતરમાં વિરાટે જાહેરાત કરી હતી કે તે ટી 20 વર્લ્ડ કપ બાદ ટીમ ઈન્ડિયાની ટી 20 કેપ્ટનશિપ છોડી દેશે. માત્ર બે દિવસ પછી, કોહલીએ રોયલ ચેલેન્જર્સ બેંગ્લોરની કેપ્ટનશીપ છોડવાનો નિર્ણય પણ જાહેર કર્યો હતો. IPL 2021 બાદ વિરાટ RCB માં ખેલાડી તરીકે રમશે. કોહલી 2012 થી બેંગ્લોરની કેપ્ટનશીપ કરી રહ્યો છે, પરંતુ તે એક વખત પણ ટીમને ખિતાબ સુધી પહોંચાડવામાં સફળ રહ્યો નથી. આવી સ્થિતિમાં, યુએઈમાં ચાલી રહેલી આઈપીએલમાં, તે આરસીબીને પ્રથમ વખત ચેમ્પિયન બનાવીને ટીમની કેપ્ટનશીપ છોડવા માંગે છે.