વડાપ્રધાન નરેન્દ્ર મોદી ઈટલી અને બ્રિટનની 5 દિવસની મુલાકાતે જશે. પીએમ મોદીનો પ્રવાસ ઈટલીથી શરૂ થશે અને ત્યારબાદ તેઓ બ્રિટન જશે. તેઓ 29 થી 31 ઓક્ટોબર સુધી રોમ અને વેટિકન સિટીમાં રહેશે. વડાપ્રધાન રોમમાં યોજાનારી G20 સમિટમાં ભાગ લેશે. પીએમ મોદીની આ 8મી બેઠક હશે. તેઓ અત્યાર સુધી 7 બેઠકોમાં ભાગ લઈ ચૂક્યા છે. ગયા વર્ષે કોરોના રોગચાળાને કારણે, G20 કોન્ફરન્સ વર્ચ્યુઅલ રીતે થઈ હતી.
In Rome, I will attend the 16th G20 Leaders’ Summit, where I will join other G20 Leaders in discussions on global economic & health recovery from the pandemic, sustainable development & climate change: PM Narendra Modi https://t.co/c6RDPx0R7W
— ANI (@ANI) October 28, 2021
પ્રવાસ માટે રવાના થતા પહેલા પીએમ મોદીએ કહ્યું કે રોમની મુલાકાત દરમિયાન હું વૈશ્વિક અર્થવ્યવસ્થા, રોગચાળામાંથી આરોગ્ય પુનઃપ્રાપ્તિ અને આબોહવા પરિવર્તન પર ચર્ચા કરવા માટે અન્ય G20 નેતાઓને મળીશ. સાથે જ તેણે કહ્યું કે હું પોપ ફ્રાન્સિસના આમંત્રણ પર વેટિકન સિટી જઈશ. ઈટલીની મુલાકાત બાદ પીએમ મોદી 1 નવેમ્બરે યુકે પહોંચશે. અહીં તેઓ વડાપ્રધાન બોરિસ જોન્સનને મળશે. પીએમ મોદીએ કહ્યું કે વડાપ્રધાન બોરિસ જોન્સનના આમંત્રણ પર હું 1-2 નવેમ્બર સુધી યુનાઇટેડ કિંગડમમાં રહીશ.