કોરોના વેક્સિન કેટલા સમયમાં આવશે, તેનો ખર્ચ કેટલો થશે, તે દરેકને મળશે કે નહી… કોવિડ-19 ની વેક્સિન વિશે આવા અનેકો પ્રશ્નો આપણા મગજમાં છે. કોવિડ-19 વેક્સિનથી સંબંધિત અનેક પ્રશ્નોનાં જવાબ સીરમ સંસ્થાનાં સીઇઓ આદર પૂનાવાલા દ્વારા આપવામાં આવ્યો છે.
સીરમ ઇન્સ્ટિટ્યૂટ ઓફ ઈન્ડિયાનાં સીઇઓ આદર પૂનાવાલાએ જણાવ્યું છે કે, બ્રિટેનમાં વેક્સિનની એડવાન્સ ટ્રાયલ ચાલી રહી છે. જો બ્રિટેન ડેટા શેર કરે છે, તો સીરમ ઇન્સ્ટિટ્યૂટ ઇમરજન્સી લાઇસન્સ માટે અરજી કરી શકે છે. તેમણે એમ પણ કહ્યું હતું કે, આ વર્ષે ડિસેમ્બર સુધીમાં રસી તૈયાર કરવાની સંભાવના છે. જો કે, તેમણે એમ પણ કહ્યું કે, રસીની તૈયારી મોટા ભાગે બ્રિટેનની ટેસ્ટિંગ અને ડીસીજીઆઈની મંજૂરી પર આધારિત છે. આ પ્રશ્નના જવાબમાં સીરમ ઇન્સ્ટિટ્યૂટનાં સીઈઓ આદર પૂનાવાલાએ એક પ્રાઇવેટ ન્યૂઝ ચેનલને કહ્યું કે, “કોરોના રસી આ વર્ષનાં અંત સુધીમાં ભારત આવી શકે છે પરંતુ આ માટે અમે બ્રિટેન પર ઘણું નિર્ભર કરીએ છીએ.” આ રસીનો બ્રિટેનમાં એડવાન્સ ટ્રાયલ ચાલી રહ્યો છે.
જો બ્રિટેનએ અમારી સાથે ડેટા શેર કર્યો છે, તો પછી આરોગ્ય મંત્રાલયમાં ઇમરજન્સી ટ્રાયલ લાગુ કરવામાં આવશે. જો મંત્રાલય મંજૂરી આપે તો અમે ભારતમાં પણ આ જ ટેસ્ટિંગ કરીશું અને જો તે સફળ થાય તો ડિસેમ્બરનાં મધ્યમાં ભારતમાં રસી આવી શકે છે. જો આપણે ઇમરજન્સી લાઇસન્સ માટે ન જવું હોય, તો આપણે જાન્યુઆરી સુધી ટ્રાયલની રાહ જોવી પડશે અને ત્યારબાદ અમે જાન્યુઆરીમાં ભારતમાં લોન્ચ શરૂ કરી શકીશું.
