અક્ષય કુમાર અને કેટરિના કૈફે એક સાથે ઘણી હિટ ફિલ્મો આપી છે. બંનેની જોડીને ઓનસ્ક્રીન ખૂબ જ પસંદ કરવામાં આવી છે. મોટા પડદાની આ હિટ જોડી હવે સૂર્યવંશી ફિલ્મમાં જોવા મળશે. તે દરમિયાન એક રમુજી કિસ્સો પ્રકાશમાં આવ્યો છે. જયારે એક વખત કેટરિના કૈફે અક્ષય કુમારને રાખડી બાંધવાની ઇચ્છા વ્યક્ત કરી હતી.
કેટરિના કૈફે કહ્યું હતું કે તે સમયે હું એક એવી વ્યક્તિની શોધ કરું છું જેનો હું આદર કરું છું અને એક સારો મિત્ર માનું છું. ત્યારે મેં અક્ષયને કહ્યું કે શું હું તમને રાખડી બાંધી શકું? આ સાંભળીને અક્ષયે કહ્યું હતું કે કેટરિના, તમારે થપ્પડ ખાવી છે? અભિનેત્રીએ આ દરમિયાન કહ્યું હતું કે તે અર્જુન કપૂરને પણ રાખડી બાંધવા માંગતી હતી, પરંતુ અર્જુને પણ કેટરિના કૈફને ના પાડી.
આ પણ વાંચો : ગુલઝાર સાહેબે આ અંદાજમાં કરી કોરોના રસી લાગવાની અપીલ
કેટરિના કૈફ દિગ્દર્શક ફરાહ ખાનની ફિલ્મ તીસ માર ખાનમાં અક્ષય સાથે કામ કરી રહી હતી. ‘શીલા કી જવાની’ ગીતના શૂટિંગના દિવસે રક્ષાબંધનનો તહેવાર હતો. તે દિવસે કેટરિનાએ જોયું કે સેટ પર ઘણા લોકોના હાથ પર રાખડી બાંધી છે કારણ કે કેટરિનાનો કોઈ ભાઈ નથી, તેથી તેણે ત્યાં હાજર અક્ષય કુમારને પૂછ્યું કે શું તેણી તેની રાખડી બાંધીને ભાઈ બનાવી શકે કે નહીં. કેટરિના કૈફની આ વાત સાંભળીને અક્ષય કુમારે કહ્યું, ‘કેટરિનાને થપ્પડ મારવી પડશે?’ જોકે અક્ષયે આ વાત મજાકમાં કહી હતી.
આ પણ વાંચો : બિગ બોસ મરાઠી ફેમ એક્ટ્રેસ હિના પાંચાલની ધરપકડ, રેવ પાર્ટીમાં લીધો ભાગ
અક્ષય કુમાર અને કેટરીના કૈફે ઘણી ફિલ્મોમાં સાથે કામ કર્યું છે. આમાં ‘હમકો દીવાના કર ગયે’, ‘નમસ્તે લંડન’, ‘સિંગ ઇઝ કિંગ’ જેવી ફિલ્મો શામેલ છે. આ સિવાય બંને ટૂંક સમયમાં રોહિત શેટ્ટીની ફિલ્મ સૂર્યવંશીમાં જોવા મળશે.
આ પણ વાંચો : નાની આનંદીને જોઈને દિલ હારી જશો તમે તમારું, બાલિકા વધુ 2નું ટીઝર થયું રિલીઝ
