રાજય માં એક તરફ હજુ કોરોના કેસ માંડ ઘટતા જોવા મળી રહ્યા છે ત્યારે આગ ને અકસ્માતોના કેસ પણ વધતા જોવા મળી રહ્યા છે ત્યારે આજે અમદવાદ ના નરોડા વિસ્તારમાં આવેલા સ્મશાન નજીક કેપિટલ કોમ્પલેક્ષની બિલ્ડિંગમાં અચાનક ભીષણ આગ લાગી હોવાનો બનાવ સામે આવ્યો છે. આ આગની જાણ થતાં ફાયર વિભાગનો કાફલો ઘટના સ્થળે દોડી આવ્યો હતો અને ભારે જહેમત બાદ આગ પર કાબૂ મેળવ્યો હતો.
આ અંગે પ્રાપ્ત વિગતો મુજબ, નરોડામાં કેપિટલ કોર્પોરેટ કોમ્પલેક્ષ નામની બિલ્ડિંગમાં અચાનક આગ લાગી હતી. આ કોમ્પલેક્ષમાં વેદાંત કોવિડ હોસ્પિટલ આવેલી હોવાથી ડોક્ટરો તેમજ દર્દીઓના સ્વજનોના જીવ તાળવે ચોંટ્યા હતા. ઘટનાની જાણ થતાં ફાયર વિભાગની ગાડીઓ ઘટના સ્થળે દોડી આવી હતી અને બચાવ કામગીરી હાથ ધરી હતી.
ફાયર બ્રિગેડની ટીમ દ્વારા સુરક્ષાના ભાગરૂપે વેદાંત કોવિડ હોસ્પિટલને ખાલી કરવામાં આવી હતી. હોસ્પિટલમાં સારવાર લઈ રહેલા દર્દીઓને એમ્બ્યુલન્સની મદદથી શહેરી SVP હોસ્પિટલમાં ખસેડવામાં આવ્યા હતા. જે બાદ આગ પર ભારે જહેમત બાદ આગ પર કાબૂ મેળવી લેવાયો છે.
