રાજયમાં આગના બનવો દિવસેને દિવસે વધતા જોવા મળી રહ્યા છે. ત્યારે ક્યારેક એવી ભયંકર આગ હોઈ છે કે લાખો કરોડોના માલને નુકશાન થતું હોય છે . તાય્રે જ આજે એક આવો કિસ્સો સામે આવ્યો જેમાં જિલ્લા પંચાયતની આંકડા શાખામાં આજે સવારે ભીષણ આગ ફાટી નીકળતા કચેરીમાં રાખેલા મહત્વના દસ્તાવેજો અને કોમ્પ્યુટર બળીને ખાખ થયા હતા. આગની ઘટનાના પગલે દોડી આવેલી ફાયરબ્રિગેડની ટીમે આગ પર કાબૂ મેળવ્યો હતો. આગ લાગવાનું કારણ જાણવા તપાસ શરૂ કરવામા આવી છે.
આજે લાભ પાંચમનાં દિવસ ગાંધીનગર જિલ્લા પંચાયત કચેરી ખુલવાના થોડા સમય અગાઉ જ પંચાયત કચેરીનાં પ્રથમ માળે આવેલી આંકડા શાખામાં ભીષણ આગ ભભૂકી ઉઠી હતી. ત્યારે નજીકમાં જ આવેલી ગાંધીનગર ફાયર બ્રિગેડની ટીમ તુરત આગ પર કાબુ મેળવવા કામે લાગી હતી. સતત પાણીનો મારો ચલાવ્યા પછી પણ આગ બેકાબુ બની વિકરાળ સ્વરૂપ ધારણ કરી લીધું હતું.
આ પણ વાંચો ;ગુજરાત / મોડાસાના પ્રાંત અધિકારીની સાયબર ક્રાઇમે કરી ધરપકડ,યુવતીને અશ્લીલ મેસેજ મોકલવાનો આરોપ
જેનાં પગલે ફાયર ફાઇટરો મારફતે પાણીનો મારો ચાલુ જ રાખવામાં આવ્યો હતો. બીજી તરફ પંચાયત કચેરીના કર્મચારીઓ પણ ફરજ પર આવવાની શરૂઆત થઈ ગઈ હતી. કર્મચારીઓ પણ વિકરાળ આગ જોઈને ગભરાઈ ગયા હતા. ભારે જહેમત બાદ આગ પર કાબૂ મેળવાયો હતો.
આ આગમાં પંચાયતની આંકડા શાખામાં રાખેલા મહત્ત્વના દસ્તાવેજો, કોમ્પ્યૂટર તેમજ ઈલેક્ટ્રીક વાયરીંગ પણ સંપૂર્ણ બળીને ખાખ થઈ ગયાં હતાં. બનાવની જાણ થતાં સ્થાનિક પોલીસ તેમજ એફએસએલ નિષ્ણાતોની ટીમ પણ સ્થળ પર આવી જરૂરી તપાસ કરશે. જે બાદ આગ લાગવાનું ચોક્કસ કારણ બહાર આવશે. ઉલ્લેખનીય છે કે ઘટના સ્થળે મંત્રી બ્રિજેશભાઈ મેરજા પહોંચ્યા હતા. તેઓએ આ બનાવનું નિરીક્ષણ કર્યું હતું.
આ પણ વાંચો ;ગુજરાત / રાજયમાં એસ.ટી વિભાગને દિવાળી ફળી, 46.94 કરોડથી વધુની આવક થઇ
