Gujarat Titans and Chennai: IPL 2023 31 માર્ચથી શરૂ થશે. T20 લીગની નવી સીઝનનું શેડ્યુલ સામે આવી ગયું છે. પ્રથમ મેચ ડિફેન્ડિંગ ચેમ્પિયન ગુજરાત ટાઇટન્સ અને ચેન્નાઇ સુપર કિંગ્સ (CSK) વચ્ચે રમાશે. T20 લીગ કુલ 59 દિવસ ચાલશે અને તેમાં 74 મેચ રમાશે. મુંબઈ ઈન્ડિયન્સે સૌથી વધુ વખત T20 લીગનો ખિતાબ જીત્યો છે, પરંતુ છેલ્લી સિઝનમાં ટીમનું પ્રદર્શન ખરાબ રહ્યું હતું. આવી સ્થિતિમાં કેપ્ટન રોહિત શર્મા આ વખતે ટીમ પાસેથી સારા પ્રદર્શનની આશા રાખશે. MS ધોનીની આગેવાની હેઠળની ચેન્નાઈ સુપરકિંગ્સ પણ 2022માં શાનદાર પ્રદર્શન કરી શકી નથી. CSK 4 વખત T20 લીગ ટાઈટલ પણ જીતી ચુક્યું છે. ફાઈનલ મેચ 29 મેના રોજ રમાશે. પ્લેઓફ અને ફાઈનલ માટેનું સ્થળ હવે પછી જાહેર કરવામાં આવશે.
BCCI પ્રથમ વખત મહિલા T20 લીગનું પણ આયોજન કરી રહ્યું છે. 4 થી 26 માર્ચ દરમિયાન 5 ટીમો વચ્ચે કુલ 22 મેચો રમાવાની છે. આના 4 દિવસ બાદ IPL શરૂ થશે. ગત સિઝનમાં લખનૌ સુપર જાયન્ટ્સ અને ગુજરાત ટાઇટન્સને પ્રથમ વખત તક મળી હતી. IPL 2023 ની તાજેતરમાં હરાજી કરવામાં આવી હતી અને પંજાબ કિંગ્સે ઈંગ્લેન્ડના ઓલરાઉન્ડર સેમ કેરેન પર મોટી બોલી લગાવી હતી. પંજાબે તેને 18.5 કરોડ રૂપિયામાં ખરીદ્યો હતો. કેરન T20 લીગના ઈતિહાસનો સૌથી મોંઘો ખેલાડી પણ છે. આ વખતે ટીમો પોતાના ઘરેલુ મેચમાં રમી શકશે. 10 ટીમોને 2 ગ્રુપમાં વહેંચવામાં આવી છે. મુંબઈ ઈન્ડિયન્સ, રાજસ્થાન રોયલ્સ, કોલકાતા નાઈટ રાઈડર્સ, દિલ્હી કેપિટલ્સ અને લખનૌ સુપર જાયન્ટ્સને ગ્રુપ-એમાં સ્થાન મળ્યું છે.
બીજી તરફ ચેન્નાઈ સુપર કિંગ્સ, પંજાબ કિંગ્સ, સનરાઈઝર્સ હૈદરાબાદ, રોયલ ચેલેન્જર્સ બેંગ્લોર અને ગુજરાત ટાઈટન્સને ગ્રુપ-બીમાં સામેલ કરવામાં આવ્યા છે. દરેક ટીમે તેના ગ્રુપની અન્ય ટીમો સામે એક-એક મેચ જ્યારે અન્ય ગ્રુપની 5 ટીમો સામે 2-2 મેચ રમવાની હોય છે. એટલે કે દરેક ટીમ 14 મેચ રમશે. ડબલ હેડર એટલે કે 2 મેચ 18 દિવસ સુધી રમાશે. પ્રથમ મેચ બપોરે 3.30 વાગ્યાથી અને બીજી મેચ સાંજે 7.30 વાગ્યાથી શરૂ થશે.
આ પણ વાંચો: Entertentment/હવે કરીના કપૂર પણ એક્શનમાં અજમાવશે હાથ,માર્વેલની ‘ધ વેસ્ટલેન્ડર્સ’માં કરશે આ રોલ
