ભારતની યજમાનીમાં યુએઈ અને ઓમાનમાં યોજાનાર ટી-20 વર્લ્ડકપ 2021 ની શરૂઆત માટે 2 મહિનાથી પણ ઓછો સમય બાકી છે. આવી સ્થિતિમાં દરેકની નજર ચાર વર્ષ બાદ આયોજીત થઈ રહેલી આ ટૂર્નામેન્ટ તરફ છે. દરેક ટીમ આ વખતે ટાઇટલ જીતવા માટે પોતાને દાવેદાર તરીકે જણાવી રહી છે. ત્યારે વેસ્ટઈન્ડિઝનાં પૂર્વ કેપ્ટન ડેરેન સેમીએ ટી-20 વર્લ્ડ કપ પહેલા એક મોટું નિવેદન આપ્યું છે.
આ પણ વાંચો – WI vs PAK / વિન્ડિઝનાં ખેલાડીઓ ડ્રેસિંગ રૂમમાં ઇન્ડોર ક્રિકેટ રમતા જોવા મળ્યા, Video
આપને જણાવી દઇએ કે, વેસ્ટ ઈન્ડિઝનાં ભૂતપૂર્વ કેપ્ટન ડેરેન સેમીએ કહ્યું છે કે, ડિફેન્ડિંગ ચેમ્પિયન વેસ્ટ ઈન્ડિઝ ટી-20 વર્લ્ડ કપ ટ્રોફી માટે તૈયાર છે. આઈસીસી ડિજિટલ શોમાં સેમીએ કહ્યું, મારે તેમાં મારું દિમાગ લગાવવાની જરૂર નથી. વિન્ડીઝ ટી-20 વર્લ્ડ કપ માટે તૈયાર છે. જ્યારે તમે વિન્ડીઝ તરફ જુઓ છો અને લોકો ઘણી વખત કહે છે કે હું એકતરફી વાત કરું છું, પરંતુ જો તમે છેલ્લી ચાર ટૂર્નામેન્ટો પર નજર નાખો તો અમે સેમીફાઇનલમાં પહોંચી ગયા છીએ જેમાંથી અમે તેને બે વખત જીતી ચૂક્યા છીએ. સેમીએ કહ્યું, અમારી પાસે સારા ખેલાડીઓ છે. કેપ્ટન કિરોન પોલાર્ડ સમર્થન કરે છે. તેમના સિવાય ક્રિસ ગેલ, આન્દ્રે રસેલ, જેસન હોલ્ડર, ફેબિયન એલન અને એવિન લેવિસ છે. મારી પાસે ઘણા ખેલાડીઓની યાદી છે જે કોઈપણ ટીમ પર પ્રભુત્વ મેળવી શકે છે. સેમીનાં નેતૃત્વમાં વિન્ડિઝે 2012 અને 2016 માં ટી-20 વર્લ્ડ કપ જીત્યો છે. તેમણે કહ્યું કેં ઈંગ્લેન્ડનાં ખેલાડીઓ વાતાવરણમાં સારી રીતે ભળી જાય છે અને તેમને આશા છે કે વેસ્ટ ઇન્ડીઝ સિવાય ગ્રુપ 1 માંથી ઈંગ્લેન્ડની ટીમ સેમીફાઇનલમાં જશે.
આ પણ વાંચો – Cricket / અફઘાનિસ્તાન ક્રિકેટમાં થયો મોટો ફેરફાર, અઝીઝુલ્લાહ ફઝલી બન્યા કાર્યકારી અધ્યક્ષ
સેમીએ કહ્યું, તમે ઈંગ્લેન્ડને જુઓ જેણે ખૂબ જ સારી ટી-20 ક્રિકેટ રમી છે. તે વર્ષ 2016 નો રનર-અપ છે. બે સ્થળો એવા છે જ્યાં પીચ સમાન રહે છે, ભારત અને કેરેબિયન. તેમણે ત્યાં ફાઇનલમાં પહોંચીને તેને જીતી લીધું. તેના ખેલાડીઓ વાતાવરણને સરળતાથી અપનાવી લે છે. તેમણે કહ્યું, તમે ઓસ્ટ્રેલિયાને જુઓ જેણે હજી સુધી ટાઇટલ જીત્યું નથી અને તેઓ તેને મેળવવા માટે શ્રેષ્ઠ પ્રયાસ કરી રહ્યા છે. તેમની પાસે સારા ખેલાડીઓ છે, ઘણા ખેલાડીઓ છે જે IPL માં રમે છે અને વાતાવરણને ખૂબ સારી રીતે સમજે છે. સેમીએ એ પણ સંકેત આપ્યો હતો કે, શ્રીલંકા અને આયર્લેન્ડ ગ્રુપ A માં બે ટીમો હશે જે તેમના અનુભવ સાથે સુપર-12 માં સ્થાન મેળવશે. મેન્સ ટી-20 વર્લ્ડ કપ 17 ઓક્ટોબરથી 14 નવેમ્બર દરમિયાન યુએઈ અને ઓમાનમાં યોજાશે. સુપર-12 મેચ 23 ઓક્ટોબરથી શરૂ થશે.
