Delhi News: દિલ્હીના (Delhi) પર્યાવરણ મંત્રી મનજિંદર સિંહ સિરસાએ પ્રદૂષણને રોકવા માટે એક મોટો નિર્ણય લીધો છે. આ નિર્ણય અનુસાર 1 એપ્રિલથી દિલ્હીમાં 15 વર્ષ જૂના વાહનોને પેટ્રોલ અને ડીઝલ મળતું બંધ થઈ જશે. વાસ્તવમાં, સિરસાએ દિલ્હીના પ્રદૂષણને લઈને અધિકારીઓ સાથે મેરેથોન બેઠક કરી હતી. આ બેઠકમાં પ્રદૂષણ અંગે વિસ્તૃત ચર્ચા કરવામાં આવી હતી અને અનેક નિર્ણયો લેવામાં આવ્યા હતા.
સિરસાએ બેઠક બાદ કહ્યું કે પ્રદૂષણ વધારતા 15 વર્ષ જૂના વાહનોને દિલ્હીના કોઈપણ પેટ્રોલ પંપ પર પેટ્રોલ કે ડીઝલ નહીં મળે. આ માટે તેણે છેલ્લી તારીખ પણ જણાવી હતી. તેમણે કહ્યું કે, 31 માર્ચ પછી 15 વર્ષથી જૂના વાહનોને ઈંધણ મળતું બંધ થઈ જશે. આ સાથે એક ટીમ પણ બનાવવામાં આવશે જે 15 વર્ષ જૂના વાહનોને શોધીને તેને દિલ્હીથી બહાર લઈ જશે. તેમણે કહ્યું કે, અમે પેટ્રોલ પંપ પર આવા ગેજેટ્સ પણ લગાવીશું જે 15 વર્ષથી જૂના વાહનોની ઓળખ કરશે અને તેમને પેટ્રોલ અને ડીઝલ આપશે નહીં.
સિરસાએ જણાવ્યું કે વૃક્ષારોપણ અભિયાન શરૂ કરવામાં આવશે અને તેમાં ડીયુના વિદ્યાર્થીઓ સામેલ થશે. તેમણે કહ્યું કે, યુનિવર્સિટી સાથે મળીને એક સિસ્ટમ લાવવામાં આવશે જેના દ્વારા વિદ્યાર્થીઓ અભિયાનમાં ભાગ લેવા માટે પ્રમાણપત્ર અથવા નંબર દ્વારા લાભ મેળવી શકે.
આ સિવાય, દિલ્હી સરકારે પ્રદૂષણ ઘટાડવા માટે તમામ મોટી પ્રદૂષણ સંસ્થાઓ (મોટી હોટલો અને ઓફિસ કોમ્પ્લેક્સ સહિત)ને ગેજેટ્સ અને એન્ટી સ્મોગ ગન લગાવવાનો આદેશ આપ્યો છે. આ સિવાય તમામ હાઈરાઈઝ ઈમારતોમાં એન્ટી સ્મોક ગન લગાવવી ફરજિયાત કરવામાં આવી છે.
આ પણ વાંચો: પેટ્રોલ શું GST ના દાયરામાં આવશે ? સિગારેટ પર સરકાર લઈ રહી છે મોટો નિર્ણય!
આ પણ વાંચો: ગેરકાયદેસર નેશનલ હાઇવે પરના ડીવાઈડર તોડનાર પેટ્રોલ પંપ સંચાલક વિરૂદ્ધ સખ્ત કાર્યવાહી
આ પણ વાંચો: નાઈજીરીયામાં પેટ્રોલ ભરેલા ટેન્કરમાં વિસ્ફોટ થતાં 70ના મોત
