દિલ્હીની તિહાર જેલમાં ગેંગ વોર ચાલી રહી છે. જેમાં ગેંગસ્ટર પ્રિન્સ તેવટિયાની હત્યા કરવામાં આવી છે. તિહારની જેલ નંબર 3માં સાંજે 5 વાગ્યે ગેંગ વોર થઈ હતી. જેમાં 5 કેદીઓ ઘાયલ થયા હતા. તમામ ઘાયલોને દીન દયાલ હોસ્પિટલમાં દાખલ કરવામાં આવ્યા છે. જ્યાં રાજકુમાર તેવટિયાને મૃત જાહેર કરવામાં આવ્યા છે.
દિલ્હી પોલીસના જણાવ્યા અનુસાર, પ્રિન્સ તેવટિયા પર જેલમાં ગેંગ વોર દરમિયાન ચાકુ વડે હુમલો કરવામાં આવ્યો હતો. તેના શરીર પર છરાના 5-7 ઘા હતા. દિલ્હી પોલીસની ટીમ તિહાડ જેલ પહોંચી છે અને મામલાની તપાસ શરૂ કરી છે. સાથે જ અન્ય કેદીઓની સારવાર પોલીસની દેખરેખ હેઠળ ચાલી રહી છે.
ઉલ્લેખનીય છે કે તાજેતરમાં જ તિહાર પ્રશાસને જેલમાં દરોડા પાડીને મોટી સંખ્યામાં સર્જિકલ બ્લેડ, મોબાઈલ વગેરે જપ્ત કર્યા છે. જેલ પ્રશાસનને 9 માર્ચે સાંજે લગભગ 6.30 વાગ્યે તિહાર જેલ નંબર-3માં શંકાસ્પદ ગતિવિધિઓની માહિતી મળી હતી. આના પર તિહાર પ્રશાસને જેલમાં દરોડા પાડ્યા હતા. આ દરમિયાન એક પેકેટમાંથી 23 સર્જિકલ બ્લેડ, દવાઓ અને મોબાઈલ ફોન મળી આવ્યા હતા.
