દેશમાં કોરોનાવાયરસ નામનું સંકટ આજે પણ લોકોનાં જીવનને પ્રભાવિત કરી રહ્યુ છે. ત્યારે આ સંકટ વચ્ચે મોંઘવારીએ દેશનાં સામાન્ય નાગરિકોની કમર તોડી નાખી છે. આ મોંઘવારીને કેવી રીતે પહોંચી શકાય તે એક મોટો સવાલ બન્યો છે. આ વચ્ચે કેન્દ્ર સરકારે કેન્દ્રિય કર્મચારીઓને એક મોટી ભેટ આપી છે.
મોનસૂન સત્ર / લોકસભામાં કોંગ્રેસ નહી બદલે નેતા, અધિર રંજન પદ પર બન્યા રહેશે
વડાપ્રધાન નરેન્દ્ર મોદીની અધ્યક્ષતામાં આજે કેન્દ્રીય કેબિનેટની બેઠક મળી. કોરોના મહામારી અને મોંઘવારી વચ્ચે મોદી સરકારે કેન્દ્રિય કર્મચારીઓને મોટી ભેટ આપી છે. કોરોના સંકટ અને વધતી મોંઘવારી વચ્ચે કેન્દ્ર સરકારે કેન્દ્રિય કર્મચારીઓને મોટી રાહત આપી છે. બુધવારે કેન્દ્રીય મંત્રીમંડળની બેઠકમાં મોટો નિર્ણય લેતા સરકારે દોઢ વર્ષથી મોંઘવારી ભથ્થાનો પ્રતિબંધ દૂર કર્યો છે. કર્મચારીઓનાં મોંઘવારી ભથ્થામાં 11 ટકાનો વધારો થયો હતો. જણાવી દઇએ કે, કેન્દ્ર સરકારે કેન્દ્રીય કર્મચારીઓનું મોંઘવારી ભથ્થું 17% થી વધારીને 28% કર્યું છે. વડા પ્રધાન નરેન્દ્ર મોદીની આગેવાની હેઠળની કેન્દ્રીય કેબિનેટની બેઠકમાં આ નિર્ણય લેવામાં આવ્યો છે. વધતી મોંઘવારી વચ્ચે આશરે 50 લાખ કેન્દ્રીય કર્મચારીઓ અને પેન્શનરોને આ નિર્ણયનો લાભ મળશે. કેન્દ્રીય કર્મચારીઓના DA નાં ત્રણ હપ્તા હજુ આવવાના બાકી છે. કોરોના સંકટ દરમ્યાન સરકારે તેના પર પ્રતિબંધ લગાવી દીધો હતો. આજનાં નિર્ણય મુજબ, 1 જાન્યુઆરી 2020, 1 જુલાઇ 2020 અને 1 જાન્યુઆરી 2021 થી અમલમાં આવતા ત્રણેય હપ્તા પર લાગેલા પ્રતિબંધને હટાવી દીધા છે. પ્રતિબંધ હટાવ્યા બાદ, ત્રણેય હપ્તામાં કુલ 11 ટકાનો વધારો થશે.
રાજકારણ / ગોવામાં વીજળી વિના મૂલ્યે આપવાની અરવિંદ કેજરીવાલની જાહેરાત
આપને જણાવી દઈએ કે, જાન્યુઆરી 2020 માં કેન્દ્રીય કર્મચારીઓનાં DA માં ચાર ટકાનો વધારો કરાયો હતો. આ પછી, તે બીજા ભાગમાં (જૂન 2020) ત્રણ ટકા વધ્યું. જાન્યુઆરી 2021 માં તેમાં ચાર ટકાનો વધારો થયો હતો. આ રીતે, ડી.એ. 17 ટકાથી વધારીને 28 ટકા કરવાથી કર્મચારીઓને ફાયદો થશે. હવે ડી.એ. વધાર્યા પછી બમ્પર પગાર સપ્ટેમ્બરથી આવે તેવી સંભાવના છે. જણાવી દઇએ કે, મોંઘવારી ભથ્થું એ પગારનો એક ભાગ છે. તે કર્મચારીનાં મૂળ પગારની નિશ્ચિત ટકાવારી છે. સરકાર કર્મચારીઓને મોંઘવારી ભથ્થું આપે છે જેથી લોકોને વધતા જતા ખર્ચનો સામનો કરવો પડે. આ સાથે, તમે તમારી જરૂરિયાતોને પૂર્ણ કરી શકો છો. તે સમય સમય પર વધારવામાં આવે છે. નિવૃત્ત કર્મચારીઓને પણ આ લાભ મળે છે.
