Gold Prices Falling: જો તમે સોનું ખરીદવાનું વિચારી રહ્યા છો, તો તમારી પાસે એક સુવર્ણ તક છે કે તમે સોનાના સર્વકાલીન ઉચ્ચ દર કરતાં ઘણી ઓછી કિંમતે સોનું ખરીદી શકો છો. છેલ્લા કેટલાક દિવસોથી સોનાની કિંમતમાં સતત મોટો ઉતાર-ચઢાવ જોવા મળી રહ્યો છે. આમ છતાં બજારમાં સોનાની માંગ ઝડપથી વધી છે. આવો જાણીએ બજારમાં સોનાના નવા ભાવ શું છે?
બુલિયન માર્કેટમાં ગુરુવારે 22 કેરેટ સોનાની કિંમતમાં 400 રૂપિયા પ્રતિ દસ ગ્રામનો ઘટાડો જોવા મળ્યો છે. આ પહેલા બુધવારે સોનાની કિંમતમાં કોઈ ફેરફાર જોવા મળ્યો ન હતો. GoodReturns વેબસાઈટ અનુસાર ગુરુવારે બજાર ખુલતા પહેલા 22 કેરેટ સોનાની કિંમત 52,400 રૂપિયા પ્રતિ દસ ગ્રામ હતી. આ પછી તેમાં 400 રૂપિયા પ્રતિ દસ ગ્રામનો ઘટાડો જોવા મળ્યો, ત્યારબાદ હવે તે 52,000 રૂપિયા પ્રતિ દસ ગ્રામના ભાવે વેચાઈ રહ્યો છે. બીજી તરફ જો 24 કેરેટ સોનાની વાત કરીએ તો ગુરુવારે તેમાં 430 રૂપિયા પ્રતિ દસ ગ્રામનો મોટો ઘટાડો જોવા મળ્યો છે. આ પહેલા બુધવારે 24 કેરેટ સોનાની કિંમતમાં કોઈ ફેરફાર થયો ન હતો.
GoodReturns વેબસાઈટ અનુસાર, ગુરુવારે બજાર ખુલતા પહેલા 24 કેરેટ સોનાની કિંમત 57,160 રૂપિયા પ્રતિ દસ ગ્રામ હતી. આ પછી તેમાં 440 રૂપિયા પ્રતિ દસ ગ્રામનો ઘટાડો જોવા મળ્યો, ત્યારબાદ હવે તે 56,730 રૂપિયા પ્રતિ દસ ગ્રામના ભાવે વેચાઈ રહ્યો છે. ઓગસ્ટ 2020માં સોનું તેના સર્વકાલીન ઊંચા દરે પહોંચી ગયું હતું. ઓગસ્ટ 2020 માં સોનું તેના સર્વકાલીન ઊંચા દરે રૂ. 55,400 પ્રતિ દસ ગ્રામ પર પહોંચ્યું હતું. આજે, જો આપણે સોનાના વર્તમાન ભાવને તેના સર્વકાલીન ઉચ્ચ દર સાથે સરખાવીએ તો તમે જોશો કે સોનું હાલમાં 3,400 રૂપિયા પ્રતિ દસ ગ્રામ સસ્તું વેચાઈ રહ્યું છે.
આ પણ વાંચો: Delhi Haj Committee/દિલ્હીનું હજ કમિટીનું નિયંત્રણ ભાજપના હાથમાં-કૌસર જહાં હજ કમિટીની પ્રમુખ બની
