Googleની સૌથી લોકપ્રિય સેવા Gmail બંધ થવાના સમાચાર સામે આવ્યા છે. આ સમાચાર સામે આવતા વપરાશકર્તાઓની ચિંતામાં વધારો થયો છે. Gmail સેવા બંધ થવાના સમાચાર ખરેખર સત્ય છે કે પછી છે કોઈ ફેક ન્યૂઝ. આ મામલે Google પણ જવાબ આપ્યા છે.
Google પાસે તેના ઉત્પાદનોને બંધ કરવાની લાંબી સૂચિ છે. કંપની તેની સેવાઓ અને ઉત્પાદનોને કાયમ માટે બંધ કરવા માટે લોકપ્રિય છે. પરંતુ સૂચિમાં કોઈ મુખ્ય પ્રવાહ અથવા લોકપ્રિય ઉત્પાદન નહોતું. પરંતુ જેવી જ જીમેલ બંધ થવાના સમાચાર સામે આવ્યા, કરોડો યુઝર્સ પરેશાન થઈ ગયા અને આ સમાચાર આખી દુનિયામાં દાવાનળની જેમ ફેલાઈ ગયા, કારણ કે દરરોજ કરોડો લોકો આ સેવાનો ઉપયોગ કરે છે. Gmail એ વિશ્વની સૌથી લોકપ્રિય ઈમેલ સેવા છે, જેના 2024 સુધીમાં વૈશ્વિક સ્તરે 1.8 બિલિયન (180 કરોડ) થી વધુ સક્રિય વપરાશકર્તાઓ છે. આ સમાચાર વાઈરલ થયા બાદ ગૂગલે પોતે જ ખુલાસો કરવો પડ્યો હતો. શું જીમેલ ખરેખર બંધ થઈ રહ્યું છે? આ મામલે ગૂગલે આપ્યો જવાબ.
Google આપ્યા જવાબ
ગૂગલે કહ્યું કે Gmail સેવા બંધ થવાના સમાચાર બજારમાં આવતાની સાથે જ કરોડો લોકો પરેશાન થઈ ગયા, જેમાં દાવો કરવામાં આવ્યો કે 1 ઓગસ્ટ, 2024ના રોજ જીમેલ બંધ થઈ જશે. ગૂગલે પણ જીમેલ યુઝર્સની ચિંતાની નોંધ લીધી અને પછી જવાબ આપ્યો. Google ની માલિકીના Gmail ના અધિકૃત પૃષ્ઠ પરથી મેસેજ લખ્યો કે “Gmail અહીં જ છે.” ત્યારે જ લોકોના ટેન્શનનો અંત આવ્યો અને આ સમાચાર સાવ ફેક હોવાનું ગૂગલે લોકોને જણાવ્યું.
આ રીતે શરૂ થયો સમગ્ર મામલોઃ
આ અફવાની શરૂઆત એક મેસેજથી થઈ હતી, જેમાં દાવો કરવામાં આવ્યો હતો કે ગૂગલ આ વર્ષના અંતમાં જીમેલ બંધ કરવાની તૈયારી કરી રહ્યું છે. X (અગાઉ ટ્વિટર) અને TikTok સહિતના સોશિયલ મીડિયા પ્લેટફોર્મ્સ પર આ હેરફેરથી ફેક ઈમેજ ફેલાઈ છે. કેટલાક અહેવાલો દાવો કરે છે કે તેની શરૂઆત TikTok એપથી થઈ હતી. આમાંની કેટલીક પોસ્ટ્સ દાવો કરે છે કે જેમિની ઇમેજ જનરેશનને લગતી તમામ ટીકાઓ પછી Google Gmail બંધ કરી રહ્યું છે.
બંધ થવાનો આ હતો ફેક મેસેજ
વાયરલ થઈ રહેલા ફેક મેસેજમાં લખવામાં આવ્યું હતું કે “અમે તમારી સાથે Gmail સંબંધિત એક મહત્વપૂર્ણ માહિતી શેર કરવા માંગીએ છીએ. વિશ્વભરના લાખો લોકોને વર્ષોથી કનેક્ટ કર્યા પછી, સરળ સંચારને સક્ષમ કર્યા અને અસંખ્ય કનેક્શન્સને પ્રોત્સાહન આપ્યા પછી, Gmail ની સફર હવે અહીં સમાપ્ત થશે. Gmail સત્તાવાર રીતે 1 ઓગસ્ટ, 2024 ના રોજ બંધ થશે અને તેની સેવા સમાપ્ત થઈ જશે. આનો અર્થ એ છે કે Gmail હવે ઇમેઇલ્સ મોકલવા, પ્રાપ્ત કરવા અથવા સ્ટોર કરવાનું સમર્થન કરશે નહીં.”
આ પણ વાંચો: kisan andolan/ખેડૂત આંદોલનમાં Break, ખેડૂત સંગઠનના નેતાએ આંદોલન 29 ફેબ્રઆરી સુધી સ્થગિત રાખવા પર આપ્યું આ કારણ
આ પણ વાંચો: Asam/અસમ સરકારનો UCC મામલે મહત્વનો નિર્ણય, બહુપત્નીત્વ અને બાળ લગ્નોને રોકવામાં મહત્વપૂર્ણ ભૂમિકા રહેશે
