ગુજરાતમાં વિધાનસભા ચૂંટણીની તારીખોની જાહેરાતને લઈને સસ્પેન્સ યથાવત છે. મોરબી દુર્ઘટના બાદ ચૂંટણી પંચના ગલિયારામાં ભારે ચર્ચા ચાલી રહી છે કે શું 5 નવેમ્બરે જાહેરાત થશે કે પછી ચૂંટણીની તારીખો હજુ થોડા મહિનાઓ માટે મોકૂફ રહેશે? અત્યારે બધાની નજર કમિશનના નિર્ણય પર છે. અગાઉ, ચૂંટણી પંચે ગુજરાત સરકારને વર્ષોથી એક જ જગ્યાએ રોકાયેલા અધિકારીઓની બદલીઓની યાદી માંગી હતી. ચૂંટણી પંચ 3 કે 5 નવેમ્બરે ચૂંટણીની જાહેર કરી શકે છે, આવતીકાલે ચૂંટણીની જાહેરાત થાય તેવી પ્રબળ શક્યયા રહેલી છે. ચૂંટણી બે તબક્કામાં થઇ શકે છે.
ઉલ્કેલેખનીય છે કે મોરબી દુર્ઘટના બાદ 2 નવેમ્બરે ગુજરાતમાં રાજ્ય શોક છે. ચૂંટણી પંચના સુત્રોના જણાવ્યા અનુસાર શોક દિવસ બાદ ગમે ત્યારે ચૂંટણીનો કાર્યક્રમ જાહેર કરવામાં આવશે. આ અંગે 3 અથવા 5 નવેમ્બરે ચૂંટણી પંચ પ્રેસ કોન્ફરન્સ યોજે તેવી પ્રબળ શક્યતા છે.ચૂંટણી પંચના ઉચ્ચ સૂત્રોના જણાવ્યા અનુસાર વહીવટી અધિકારીઓની બદલી બાદ હવે આ છેલ્લી અડચણ પણ દૂર થઈ ગઈ છે. ચૂંટણીની બાકીની તૈયારીઓ સમય પહેલા આગળ વધી રહી છે, પરંતુ અધવચ્ચે મોરબીમાં અચાનક પુલ દુર્ઘટના સર્જાતા ફરી રોડ બ્લોક થઈ ગયો છે. તે જ સમયે, હિમાચલ પ્રદેશના ચૂંટણી કાર્યક્રમ અનુસાર, પરિણામ 8 ડિસેમ્બરે આવવાના છે. ગુજરાતના પરિણામો પણ જાહેર કરવાની યોજના હોવાનું કહેવાય છે. તેથી ડિસેમ્બરના પ્રથમ સપ્તાહમાં જ બે તબક્કામાં મતદાન થશે.
