રાજકોટ,
રાજકોટમાંથી 1 કરોડ 69 લાખથી વધુની જૂની રદ થયેલી 500 અને હજારની ચલણી નોટો ઝડપાઈ છે. 500 અને 1000ની જૂની નોટો બંધ થઇ ગઈ એ વાતને હવે બે વર્ષ પૂર્ણ થવા આવ્યા છે. છતાં પણ રાજ્યમાં અનેક જગ્યાઓ પરથી જૂની નોટો મળી રહી છે. ત્યારે શાસ્ત્રી મેદાન પાસેથી 2 શખ્સો પાસેથી જૂની નોટો સાથે ઝડપાતા બન્નેની ધરપકડ કરવામાં આવી છે.
ઝડપાયેલા બે શખ્સોમાં એક રાજકોટનો અને એક જૂનાગઢનો છે. જે બન્નેની એસઓજીએ ધરપકડ કરી છે. બન્ને શખ્સો આ નોટો ક્યાંથી લાવ્યા હતા અને કોને પહોંચાડવાની હતી તે દિશામાં એસઓજીએ તપાસ શરૂ કરી છે.
