Surat News: ભારત સરકાર દ્વારા પોલિએસ્ટર યાર્ન પર ક્યુસીઓ (ક્વોલિટી કંટ્રોલ ઓર્ડર) હટાવવાની જાહેરાત કરવામાં આવી છે. QCOના અમલથી ક્વોલિટી યાર્ન આયાત થઈ શકતું ન હતું, બીજી તરફ સ્થાનિક લેવલ પર યાર્નના ભાવ સતત વધતા હતા. આ બાબતે ચમ્બરે કેન્દ્રને 60 વખત રજૂઆત કરી ત્યારે પોલિએસ્ટર યાર્ન પર QCO દૂર કરાયું,
સરકારે 2023માં MMF (મેનમેડ ફાઈબર)ના કિ-રોમટિરિયલ્સ PTA-MEG પર QCOનો અમલ લાદ્યો હતો. ત્યાર બાદ ઓક્ટોબર 2023થી પોલિએસ્ટર યાર્નની પ્રોડક્ટ FDY, POY, IDY પર પણ QCOનો અમલ કર્યો હતો, જેથી BIS (બ્યુરો ઓફ ઈન્ડિયન સ્ટાન્ડર્ડ)સર્ટિફિકેટ હોય તે જ આ મટિરિયલ્સ વેચી શકે એવો ઓર્ડર હતો.
જેથી ભારતમાં MMFના કિ-રોમટિરિયલ્સની આયાત બંધ થઈ ગઈ હતી અને ઘણા સ્પેશિયાલિટી યાર્નની અછત શરૂ થઈ હતી. ખાસ કરીને સ્પેશિયલ લાઈફ સ્ટાઈલ ફેબ્રિક્સનું ઉત્પાદન તળિયે જતુ રહ્યું હતું.
2 વર્ષ બાદ સરકારે QCO હટાવી દેવાનો નિર્ણય કર્યો છે
સ્થાનિક લેવલ પર યાર્નના ભાવ સતત વધવાના કારણે ચમ્બરે કેન્દ્રને 60 વખત રજૂઆત કરી હતા જેથી સરકારે 2 વર્ષ બાદ QCO હટાવી દેવાનો નિર્ણય કર્યો છે, જેના કારણે યાર્ન 10થી 35 ટકા સસ્તું થશે. બીજી તરફ આને કારણે વીવિંગ ઈન્ડસ્ટ્રીમાં આગામી 5 વર્ષમાં 45 હજાર કરોડ રૂપિયાનું રોકાણ પણ થશે.
સુરતની ટેક્સટાઈલ ઈન્ડસ્ટ્રીને થશે મોટો ફાયદો
સુરતમાં રોજનું 6 કરોડ મીટર કાપડનું ઉત્પાદન થાય છે. જે 5 વર્ષ પછી 12 કરોડ મીટર પર પહોંચશે. સુરતમાં દર મહિને હાલ 1.20 લાખ ટન પોલિએસ્ટર યાર્નનો ઉપયોગ થાય છે. પોલિએસ્ટર યાર્ન પરથી QCO હટાવાથી, સુરતની ટેક્સટાઈલ ઈન્ડસ્ટ્રીને મોટો ફાયદો થશે.
આ પણ વાંચો: Ahmedabad Flower Show/‘Ahmedabad Flower Show’માં જવું મોંઘુ થશે, ટિકિટ દરોમાં વધારો
આ પણ વાંચો: Ahmedabad city/Happy Birthday Ahmedabad: ઈતિહાસ, સંસ્કૃતિ અને આધુનિકતાનો સમન્વય ધરાવતું નગર
આ પણ વાંચો:અમદાવાદમાં વૃદ્ધ ટ્રાવેલ એજન્ટને બે યુવાનોએ ધક્કો મારતાં થયું મોત
