આવકવેરા વિભાગે બુધવારે હીરો મોટોકોર્પના ચેરમેન અને એમડી પવન મુંજાલના પરિસરમાં દરોડા પાડ્યા હતા. જણાવવામાં આવી રહ્યું છે કે ગુડગાંવમાં તેમના નિવાસ સ્થાન અને ઓફિસમાં સવારથી સર્ચ ચાલુ છે.
પવન મુંજાલ પર આરોપ છે કે તેણે પોતાના ખાતામાં બોગસ ખર્ચ દર્શાવ્યો છે. આ અંગે આવકવેરા વિભાગ દ્વારા સવારથી દરોડા પાડવામાં આવી રહ્યા છે. એવું કહેવામાં આવી રહ્યું છે કે IT ટીમને મળેલા કેટલાક શંકાસ્પદ ખર્ચો ઇનહાઉસ કંપનીઓના પણ છે. માનવામાં આવી રહ્યું છે કે આ દરોડા હજુ પણ ચાલુ રહેશે.
જોકે, હીરો મોટોકોર્પ કે IT વિભાગે હજુ સુધી આ અંગે સત્તાવાર રીતે કંઈ જણાવ્યું નથી. આ સમાચાર સામે આવતાની સાથે જ હીરો મોટોકોર્પના શેરમાં પણ ઘટાડો થવા લાગ્યો. દરોડા સામે આવ્યા તે પહેલા હીરો મોટોકોર્પનો શેર બીએસઈ પર નફામાં ટ્રેડ થઈ રહ્યો હતો. તે જાણતાની સાથે જ શેરે તમામ ગતિ ગુમાવી દીધી. સવારે 10:30 વાગ્યા સુધીમાં હીરો મોટોકોર્પનો સ્ટોક 2 ટકા સુધી ઘટી ગયો હતો.
અત્યારે પવન મુંજાલ હીરો મોટોકોર્પ સંભાળી રહ્યા છે. તેમના નેતૃત્વ હેઠળ, કંપની એશિયા, આફ્રિકા, દક્ષિણ અમેરિકા અને મધ્ય અમેરિકાના 40 દેશોમાં બિઝનેસ કરી રહી છે. હીરો મોટોકોર્પ વૈશ્વિક બેન્ચમાર્ક સાથે 8 ઉત્પાદન પ્લાન્ટ ધરાવે છે. તેમાંથી 6 ભારતમાં છે જ્યારે કોલંબિયા અને બાંગ્લાદેશમાં 1-1 છે. ભારતના ટુ વ્હીલર માર્કેટમાં હીરોનું વર્ચસ્વ છે. આ કંપની સ્થાનિક મોટરસાઇકલ માર્કેટમાં 50 ટકાથી વધુ હિસ્સો ધરાવે છે.
આ પણ વાંચો : સતત બીજા દિવસે વધ્યા પેટ્રોલ-ડીઝલના ભાવ, જાણો આજે કેટલું મોંઘુ થયું અને તમારા શહેરમાં શું છે નવા ભાવ
આ પણ વાંચો :વિશ્વની નંબર વન ટેનિસ ખેલાડી એશલે બાર્ટીએ 25 વર્ષની વયે નિવૃતિની કરી જાહેરાત
આ પણ વાંચો : ગૃહમંત્રી અમિત શાહ આજે લખનૌ પહોંચશે, ભાજપ વિધાનમંડળના નેતાની કરશે જાહેરાત
આ પણ વાંચો : દેશમાં છેલ્લા 24 કલાકમાં કોરોનાના નવા 1778 કેસ,એક્ટિવ કેસમાં નોંધપાત્ર ઘટાડો
