અભિનેત્રી હિના ખાને સોશિયલ મીડિયા પર તેની કેટલીક લેટેસ્ટ તસવીરો શેર કરી છે, જે તેના ફેન્સને ખૂબ જ પસંદ આવી રહી છે. આ તસવીરોમાં તે રણમાં જોવા મળી રહી છે. તસવીરોમાં હિના ખાન ખૂબ જ સ્ટાઇલિશ લાગી રહી છે. હિનાએ તેના સોશિયલ મીડિયા એકાઉન્ટ પર એક પછી એક ઘણી તસવીરો શેર કરી છે. શેર કરતાં તેણે કેપ્શન પણ લખ્યું છે. હિના ખાનના ફોટા પર લાઈક્સ અને કોમેન્ટ્સનો વરસાદ શરૂ થઈ ગયો છે.
હિના ખાને તેના ઈન્સ્ટાગ્રામ પર શેર કરેલા ફોટામાં તે લાલ ટોપ અને પ્લાઝો પેન્ટમાં જોઈ શકાય છે. તસવીરોમાં હિના સાથે એક ઊંટ પણ જોવા મળી રહ્યો છે, જેના પર તે ક્યારેક ચડી રહી છે તો ક્યારેક તેની બાજુમાં બેસીને ફોટો પડાવી રહી છે. હિનાના ફોટામાં પિરામિડ પણ જોવા મળે છે. અભિનેત્રીની આ પોસ્ટ પર સોશિયલ મીડિયા યુઝર્સ ઘણી પ્રતિક્રિયાઓ આપી રહ્યા છે. તેઓ કોમેન્ટ સેક્શનમાં હાર્ટ અને ફાયર ઈમોજી બનાવીને પ્રેમ વરસાવી રહ્યા છે.
થોડા જ સમયમાં હિનાની આ પોસ્ટને 1 લાખથી વધુ લોકોએ લાઈક કરી છે. આપને જણાવી દઈએ કે, હિના ખાન ટીવીની સૌથી લોકપ્રિય અભિનેત્રી છે, જેણે ‘યે રિશ્તા ક્યા કહેલાતા હૈ’માં અક્ષરાનું પાત્ર ભજવીને ઘર-ઘરમાં એક અલગ ઓળખ બનાવી છે.
