જમ્મુ અને કાશ્મીર પોલીસ અને બેંગલુરુ સિટી પોલીસે રવિવારે એક શંકાસ્પદ આતંકવાદીની ધરપકડ કરી છે, જે કથિત રીતે હિઝબુલ મુજાહિદ્દીનનો ટોચનો કમાન્ડર છે. સુરક્ષા દળોએ મંગળવારે આ વાતનો ખુલાસો કર્યો. કર્ણાટકના ગૃહ પ્રધાન અરાગા જ્ઞાનેન્દ્રના કાર્યાલય અનુસાર, ધરપકડ કરાયેલ વ્યક્તિની ઓળખ તાલિબ હુસૈન તરીકે કરવામાં આવી છે અને જમ્મુ અને કાશ્મીરમાં હિંદુઓની લક્ષ્યાંકિત હત્યાના સંબંધમાં ધરપકડ કરવામાં આવી હતી.
પોલીસ સૂત્રોના જણાવ્યા અનુસાર તાલિબ હુસૈન તેની પત્ની અને બાળકો સાથે જમ્મુ-કાશ્મીરથી ભાગી ગયો હતો. સુરક્ષા દળોએ તેની શોધખોળ તેજ કરી દીધી હતી. તે બેંગ્લોરમાં છુપાયો હતો. તાલિબે કથિત રીતે અહીં શ્રીરામપુરાની એક મસ્જિદમાં આશ્રય લીધો હતો અને તે શુક્રવારની નમાજ દરમિયાન ધાર્મિક ઉપદેશ આપતો હતો.
કર્ણાટકના મુખ્યમંત્રી બસવરાજ બોમાઈએ બેંગલુરુમાંથી તાલિબ હુસૈનની ધરપકડની પુષ્ટિ કરી છે. પત્રકારોના પ્રશ્નોના જવાબ આપતા બોમાઈએ કહ્યું, “હા, શંકાસ્પદ આતંકવાદીની ધરપકડ કરવામાં આવી છે.” “સામાન્ય રીતે પોલીસ તેના જેવા લોકો પર નજર રાખે છે. J&K પોલીસને જે પણ મદદની જરૂર પડશે, અમે તે પૂરી પાડીશું. અગાઉ પણ સિરસી અને ભટકલમાં આવી ધરપકડો કરવામાં આવી હતી,” તેમણે કહ્યું. બોમાઈએ કહ્યું, “જમ્મુ અને કાશ્મીર પોલીસે આ બાબતને ખૂબ જ ગંભીરતાથી લીધી છે.”
આ પણ વાંચો:/ ‘PM પૂરી તાકાતથી AAPની પાછળ છે, પરંતુ ભગવાન અમારી સાથે છે’
