બીજેપી અધ્યક્ષ જેપી નડ્ડાએ કહ્યું કે, પાર્ટીએ એમપી, રાજસ્થાન અને છત્તીસગઢમાં નવા નેતૃત્વને તૈયાર કરવા માટે મુખ્યમંત્રી પદ માટે નવા ચહેરાઓની જાહેરાત કરી દીધા છે. તેમણે કહ્યું કે પાર્ટી વસુંધરા રાજે, શિવરાજ સિંહ અને રમણ સિંહને તેમના પદ અને યોગ્યતા અનુસાર નવી ભૂમિકાઓ આપશે.
એક મીડિયા રિપોર્ટમાં જેપી નડ્ડાએ કહ્યું કે, ત્રણેય રાજ્યોના વરિષ્ઠ નેતાઓને તેમનો હક આપવામાં આવશે. પાર્ટીમાં દરેકને તેનો અધિકાર આપવામાં આવ્યો છે. તેમણે વધુમાં કહ્યું કે પાર્ટી નાનામાં નાના કાર્યકરનો પણ ઉપયોગ કરવાનું બંધ કરતી નથી. જ્યારે તેમને પૂછવામાં આવ્યું કે શું ત્રણમાંથી કોઈએ તેમની હટાવવાનો વિરોધ કર્યો નથી, તો નડ્ડાએ કહ્યું કે અમારી પાર્ટીમાં બેસો જેવી ભાષાનો ઉપયોગ કરવામાં આવતો નથી. અહીં કોઈ કોઈને આદેશ આપતું નથી. હા, મેં તેમને કહ્યું હતું કે તમે પાર્ટીમાં ખૂબ મહત્વનું યોગદાન આપ્યું છે અને હવે અમે નવી દિશા તરફ આગળ વધી રહ્યા છીએ. આમાં અમને તમારા સમર્થનની જરૂર છે.
સીએમની પસંદગીની પ્રક્રિયા સાથે જોડાયેલા સવાલ પર તેમણે કહ્યું કે ચૂંટણીની તારીખો જાહેર થયા બાદ અમે જોવાનું શરૂ કર્યું કે, અમારો નેતા કોણ હશે, કોણ વિપક્ષ કે સરકાર માટે સારું રહેશે? આપણે આ બધું એક પ્રક્રિયા મુજબ કરવાનું શરૂ કરીએ છીએ. આ એક સતત પ્રક્રિયા છે. ચૂંટણી જીત્યા બાદ આ પ્રક્રિયા વધુ વેગવંતી બની હતી. કેબિનેટની પસંદગી વખતે પણ આ જ પ્રક્રિયાને અનુસરવામાં આવે છે.
આ પણ વાંચો:
આ પણ વાંચો:
આ પણ વાંચો:
