વિશ્વના ઘણા દેશો હાલમાં કોરોના સામે યુદ્ધ લડી રહ્યા છે. આ દરમિયાન, કોરોના સામે રક્ષણ આપવા માટે ઘણી રસીઓ વિકસાવવામાં આવી છે. તેમની અસરકારકતા અંગે પણ સતત સંશોધન કાર્ય ચાલુ છે. યુએસ સેન્ટર્સ ઓફ ડિસીઝ કંટ્રોલ એન્ડ પ્રિવેન્શન (સીડીસી)ના નવા અભ્યાસમાં શુક્રવારે જણાવાયું છે કે, ચોથા મહિના પછી ફાઈઝર અને મોડર્ના એમઆરએનએ રસીના ત્રીજા ડોઝની અસરકારકતામાં નોંધપાત્ર ઘટાડો થાય છે. નવો અભ્યાસ ઈમરજન્સી વિભાગમાં આવતા 24,1,204 લોકો અને હોસ્પિટલમાં દાખલ 93,408 લોકો પર આધારિત છે, જેઓની હાલત ગંભીર હતી. આ અભ્યાસ 26 ઓગસ્ટ 2021 થી 22 જાન્યુઆરી 2022 સુધીનો છે.
આ પણ વાંચો:દેશમાં છેલ્લા 24 કલાકમાં નોંધાયા આટલા કેસ, જાણો કેટલા લોકોએ ગુમાવ્યો જીવ
રસી અપાયેલ અને રસી વગરના દર્દીઓ વચ્ચે અભ્યાસ કરીને રસીની અસરકારકતાનો અંદાજ લગાવવામાં આવ્યો છે. અભ્યાસમાં ભૌગોલિક વિસ્તાર, ઉંમર, સ્થાનિક ટ્રાન્સમિશનનું સ્તર અને દર્દીઓના રોગોને ધ્યાનમાં લેવામાં આવ્યા હતા.
ઓમિક્રોન લહેર દરમિયાન, કટોકટી વિભાગ અથવા તાત્કાલિક સંભાળ ક્લિનિકની મુલાકાત લેતા લોકોમાં ત્રીજા ડોઝ પછી બે મહિનામાં રસીની અસરકારકતા 87 ટકા હતી, પરંતુ ચોથા મહિને તે ઘટીને 66 ટકા થઈ ગઈ હતી. હોસ્પિટલમાં દાખલ દર્દીઓ સામે રસીની અસરકારકતા પહેલા બે મહિનામાં 91 ટકા હતી, પરંતુ ત્રીજા ડોઝ પછી ચોથા મહિને તે ઘટીને 78 ટકા થઈ ગઈ હતી.
દેશમાં કોરોના કેસ
કેન્દ્રીય સ્વાસ્થ્ય મંત્રાલય દ્વારા જાહેર કરવામાં આવેલા આંકડા અનુસાર, હવે દેશમાં સક્રિય કોરોનાના કેસની સંખ્યા ઘટીને 6 લાખ 10 હજાર 443 થઈ ગઈ છે. તે જ સમયે, આ મહામારીને કારણે જીવ ગુમાવનારા લોકોની સંખ્યા વધીને 5 લાખ 7 હજાર 981 થઈ ગઈ છે. માહિતી અનુસાર, ગઈકાલે 1,36,962 લોકો સાજા થયા હતા, ત્યારબાદ 4 કરોડ 14 લાખ 68 હજાર 120 લોકો ચેપ મુક્ત થઈ ગયા છે.
આ પણ વાંચો: માત્ર 40 દિવસમાં બીજી વખત ભાજપમાં એન્ટ્રી, ધારાસભ્ય બલવિંદર લડ્ડીએ ફરીથી કોંગ્રેસ છોડી દીધી
આ પણ વાંચો:તૃણમૂલ કોંગ્રેસમાં આંતરિક કલહ ! મુખ્યમંત્રી મમતા બેનર્જીએ બોલાવી ઈમરજન્સી બેઠક
